SQO-da jedel járdem júregi toqtap qalǵan er adamnyń ómiri úshin 23 mınýt arpalysyp, ajaldan arashalady

<p>Petropavlda jedel járdem qyzmetiniń brıgadasy klınıkalyq ólimge ushyraǵan 70 jastaǵy er adamdy ajaldan arashalap qaldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Soltústik Qazaqstan oblysy jedel medıtsınalyq kómek ortalyǵynyń dırektory ıÝrıı Belonogtyń aıtýynsha, «103» pýltine tańǵy 07:32-de qońyraý soǵylyp, Petropavldaǵy № 1 qalalyq emhananyń ekinshi qabatynda er adamnyń es-tússiz jatqany habarlanǵan.

Dereý oqıǵa ornyna brıgada attanǵan. Jedel járdem qyzmeti kelgende 70 jastaǵy er adam klınıkalyq ólim kúıinde bolǵan.

Mamandar № 1 emhana qyzmetkerleriniń kómegimen ACLS standarty boıynsha reanımatsııalyq is-shara jasady, ıaǵnı janama júrek massajyn jasap, ókpeni jasandy jeldetý apparatyna qosty, defıbrıllıatsııa jasap, Adrenalın, Santadaron berdi.

Nátıjesinde 23 mınýttan keıin ǵana qan aınalymy qalpyna keldi.

Reanımatsııadan keıingi is-sharalar júrgizilip, naýqas Kardıologııalyq ortalyqtyń qarqyndy terapııa bólimine jatqyzyldy.

«Bizdiń ortalyqtyń barlyq qyzmetkerleri, onyń ishinde júrgizýshiler de jedel medıtsınalyq kómek kórsetýdiń halyqaralyq standarttary boıynsha únemi oqýdan ótedi. Dáriger Dastan Orazaev — VLS, ACLS, PALS, PHTLS boıynsha halyqaralyq nusqaýshy. Feldsher Evgenıı Shvetsov — jedel járdem qyzmetinde kóp jyldyq tájirıbesi bar bilikti maman», — dedi ıÝrıı Belonog.