SQO-da jedel járdem qyzmetkerleri aýdıo, vıdeoqurylǵylarmen qamtyldy

PETROPAVL. QazAqparat – Soltústik Qazaqstan oblysynda jedel jádem qyzmetkerleri ózderin qorǵaý úshin shaqyrtýǵa barǵan kezde aýdıo jáne beıne jazba júrgizedi. Pılottyq joba búgin iske qosyldy, dep habarlaıdy QazAqparat tilshisi.

SQO Jedel medıtsınalyq kómek kórsetý ortalyǵy dırektory ıÝrıı Belonogtyń aıtýynsha, búginnen bastap QR Densaýlyq saqtaý mınıstrliginiń «Jedel medıtsınalyq kómek kórsetý qaǵıdalaryn bekitý týraly» buıryǵyna sáıkes Jedel medıtsınalyq kómek kórsetý ortalyǵynyń qyzmetkerleri shaqyrtýlarǵa aýdıo jáne beınetirkeý qurylǵylarymen barady.

«Bul joba ázirge pılottyq rejımde jumys isteıdi. Qajetti qurylǵymen 5 brıgada jabdyqtalǵan. Bul jańashyldyqty jedel járdem qyzmetkerleriniń qaýipsizdigin qamtamasyz etý jáne jedel medıtsınalyq kómek kórsetý sapasyn arttyrý maqsatynda qolǵa aldyq», - deıdi ıÝrıı Belonog.

Aýdıo jáne beınetirkeý patsıenttiń nemese onyń zańdy ókiliniń kelisimimen ǵana júrgiziledi. Kelispegen jaǵdaıda-aýdıo jáne beınetirkeý júrgizilmeıdi.

«Jedel járdem qyzmetkerleriniń ómiri men densaýlyǵyna qaýip tóndiretin oqys oqıǵalar bolyp, syrqattar janjal shyǵarǵan jaǵdaıda beınetirkeý mindetti túrde júrgiziledi. Al mundaı oqıǵalar bizdiń tájirıbede az emes, shaqyrtýmen kelgen medıtsına qyzmetkerlerine qol ala júgiretinder, qorqytatyndar bar. Spırttik ishimdikke toıǵan «syrqattyń» «tutqynǵa» da alǵan kezderi de boldy», - deıdi ortalyq dırektory.