SQO-da jazasyn óteýshi áıelder tikken kıim-keshek balalar úıine tapsyryldy
SQO boıynsha Qylmystyq atqarý júıesi departamentiniń ES-164/6 mekemesinde ákimshiliktiń qoldaýymen balalar úıleriniń tárbıelenýshilerine kómek kórsetetin qaıyrymdylyq qory jumys isteıdi. Byltyr tamyz aıynda qoldanbaly óner jáne kórkemónerpazdar sektsııasy qurylyp, sonyń aıasynda jazasyn ótep jatqan áıelderge mekeme basshylyǵy arnaıy oryn-jaı ázirlep berdi. Tigin sheberhanasyn ashyp, toqyp-tigýge qajetti quraldarmen qamtamasyz etti.
«Áıelder bul jerde jaıalyq, jeıde, sábılerge arnalǵan kostıýmder tigedi. Pınetka, shulyq, golfık toqıdy. Toqyp-tigýge qajet materıaldy jip, mata Petropavl qalasynyń ortalyq meshiti qaıyrymdylyq negizde qamtamasyz etedi. Daıyn kıim-keshekti eki aıda bir ret jetim balalarǵa aparyp beremiz», - deıdi ES-164/6 mekemesiniń ádilet kapıtany Oksana Vyshar.
Bul joly mekeme ókilderi jazasyn óteýshi áıelderdiń qolynan shyqqan buıymdardy sábıler úıine jáne balalar aýylyna aparyp tabys etti.
«Sottalǵan áıelder bul buıymdardy asqan meıirimdilikpen tigip, toqıdy. Óıtkeni kópshiligin úılerinde balalary, nemereleri kútip otyr. Sondaı-aq jetimderge bul jasaǵan ónimderi jylý syılaıtynyn bilgendikten bar yqylasymen tigedi», - deıdi Oksana Vyshar.