SQO-da jaýyn men daýyldyń saldarynan 100-ge jýyq eldi meken jaryqsyz otyr

<p>Soltústik Qazaqstan oblysynda aýa raıynyń buzylýyna qatysty taǵy da 9 aýdan jaryqsyz qaldy, dep habarlaıdy <a href="Kazinform" target="_blank" rel="noopener">Kazinform</a>.</p>

Bul jaıynda SQO energetıka jáne turǵyn úı-kommýnaldyq sharýashylyǵy basqarmasy basshysynyń mindetin atqarýshy Vladıslav Lýkın habarlady.

«Saǵat 14.00-degi aqparat boıynsha 9 aýdandaǵy 93 eldi meken jaryqsyz otyr. Bul – 12 myńnan astam abonent. Olar – Qyzyljar, Esil, Ýálıhanov, Taıynsha, Aıyrtaý, Aqqaıyń, Aqjar, Shal aqyn jáne Ǵabıt Músirepov atyndaǵy aýdandar.

Qazir aqparatty jańartyp jatyrmyz», - deıdi Vladıslav Lýkın.

«Sevkazenergo» AQ baspasóz qyzmeti ázirge aqparat berýden bas tartty. Óıtkeni, qazir jaryqsyz otyrǵan aýdandardyń basym bóligine «Kókshetaý Energo» JShS qyzmet kórsetedi. Borandy daýyl Qostanaı oblysy jaǵynan kele jatqandyqtan negizinen óńirdiń ońtústik aýdandary elektr qýatynan ajyrap qaldy. Desek te, kompanııa apattyq brıadalardy qatańdatylǵan jumys tártibine kóshirgen.

«Qazgıdromet» RMK SQO fılıalynyń mátimetinshe, óńirge Atlant tsıklony áser etip jatyr. Sondyqtan 26-27 jeltoqsan kúnderine daýyldy eskertý jarııalandy. Tsıklon ózimen birge jaýyn-shashyn, kóktaıǵaq, burqasyn ákeldi. Ǵ.Músirepov, Taıynsha, Shal aqyn, Jambyl, Tımırıazev aýdandarynda jeldiń kúshi 21-29 m/s deıin, keı jerlerde ekpini 30-34 m/s deıin jetti.
Tsıklonnyń áseri aldaǵy kúnderde saqtalmaq.