SQO-da jasóspirimderge teris yqpal etetin áleýmettik jelidegi toptar buǵattaldy

PETROPAVL. QazAqparat - SQO-da áleýmettik jelidegi birneshe top buǵattaldy, dep habarlaıdy QazAqparat tilshisi.

Óńir prokýrorlary olardy jasóspirimderge teris yqpal etedi dep sheshti.

SQO prokýratýrasy VKontakte áleýmettik jelisine monıtorıng jasap, pornografııalyq jáne seksýaldy-erotıkalyq mazmundaǵy vıdeosy bar 20 topty anyqtady.

Budan basqa osy áleýmettik jelide jasóspirimder arasynda sýıtsıdti tikeleı jáne janama nasıhattaǵan 27 top belgili bolyp otyr.

Prokýrorlardyń aıtýynsha, bul toptarǵa 20 myńnan astam jasóspirim tirkelgen.

Oblys prokýrorlary Aqparat jáne qoǵamdyq damý mınıstrligine habarlama jibergennen keıin áleýmettik jelidegi 40-tan astam top buǵattaldy. Qazir qalǵan toptardyń qoljetimdiligine shekteý qoıý jumystary júrgizilip jatyr.