SQO-da jartylaı daıyn ónimnen ishek taıaqshasy tabyldy
Ónim Aqqaıyń aýdany Astrahanka eldi mekenindegi dúkenderdiń birinen alynǵan. Aqqaıyń aýdandyq taýarlar men kórsetiletin qyzmetterdiń sapasy men qaýipsizdigin baqylaý basqarmasy qyzmetkerleriniń aıtýyna qaraǵanda, taýardy satýshy tarapynan zań buzýshylyq joq. Ol ónimdi talapqa saı sýyq jerde saqtaǵan, qajetti qujattardy da tekserýshilerge kórsetken. Qazir vedomstvo ónim óndirýshini jospardan tys tekserip, saýda oryndarynan qalǵan ónimdi alyp tastamaq. Jartylaı daıyn ónimdi «Maksımalnyı razmah» JShS tapsyrysy boıynsha «Kalının» jeke kásipkerligi ázirlep kelgen. Mamandar búgingi tańda epıdemııaǵa qarsy barlyq tıisti sharalardy júrgizip jatyr.
«Kásiporyn qyzmetkerleri dárethanadan keıin qoldaryn jýmaýy múmkin. ıAǵnı, jeke gıgıena talaptaryn saqtamaǵan. Nemese qondyrǵyny tıisinshe jýmaǵan. Bul bakterııa termııalyq óńdeýden keıin joıylady. Tekserý nátıjesinde zańbuzýshylyq anyqtalatyn bolsa, jeke kásipkerge 230 AEK mólsherinde aıyppul salynady», - deıdi Petropavl qalalyq Taýarlar men kórsetiletin qyzmetterdiń sapasy men qaýipsizdigin baqylaý basqarmasynyń basshysy Áset Jumataev.
Vedomstvonyń baspasóz qyzmetiniń málimetinshe, bıyl jyl basynan Petropavl qalasynyń 32 saýda nysanynda monıtorıng júrgizilip, azyq-túlik, turmystyq hımııa, balalar taýarlarynyń, oıynshyqtardyń, lak-boıaý ónimderiniń, eresekterge arnalǵan kıimder men aıaq kıimderdiń 968 synamasy alyndy.
Júrgizilgen monıtorıng nátıjesi boıynsha 9 kásiporyn basshysy men jeke kásipkerler ákimshilik jaýapkershilikke tartyldy, olqylyqtardy joıý týraly 19 uıǵarym engizilip, 2 materıal Petropavl qalalyq ákimshilik sotyna jiberildi.