SQO-da jańa oqý jylynyń erekshelikteri týraly aıtyldy

<p>PETROPAVL. KAZINFORM &ndash; Soltústik Qazaqstan oblysynda bıyl jalpy oqytý qoryna 1 480 mln teńge bólingen. Qazir turmysy nashar, kópbalaly otbasynan shyqqan oqýshylar mektepke qajetti kerek-jaraqpen qamtylyp jatyr. Búginge deıin 6,5 myń balaǵa 282 mln teńgeniń tólemi jasaldy.</p>

Bıyldan bastap jalpy oqytý qorynan kórsetiletin materıaldyq kómek memlekettik qyzmet retinde bekitilgen. Birjolǵy tólem – 43 myń teńge shamasynda. Óńirde bul kómek 11 myńǵa jýyq balaǵa tıesili. Olar: turmysy nashar, jetim jáne ata-ana qaraýynsyz qalǵan oqýshylar, tasqynnan zardap shekken, memlekettik ataýly áleýmettik kómek alatyn otbasylardyń balalary. 

Berilgen qarajatty oqý quraldaryn alýǵa jumsap, 10 kún ishinde ata-ana esep berýi tıis. 

SQO bilim basqarmasy basshysynyń orynbasary Tatıana Protopopovanyń aıtýynsha, búginge deıin 6 498 balaǵa 281,6 mln teńge tólem jasaldy. 

Budan bólek, 37 myń oqýshyny tegin ystyq tamaqpen qamtý úshin 3,8 mlrd teńge bólingen.

«Tamaqtaný sapasyn baqylaý maqsatynda mektepterde brakerajdyq komıssııalar quryldy. Sonymen qatar, barlyq aýdandarda vedomstvoaralyq saraptamalyq toptar jumys isteıdi, olardyń quramyna ata-analar, qoǵamynyń, úkimettik emes uıymdardyń ókilderi kiredi. Bıyl ashanalardyń jabdyqtary, jıhazdaryn jańartýǵa, beınebaqylaý ornatýǵa 424,3 mln teńge bólindi, bul byltyrǵydan shamamen 3,5 esege kóp», - deıdi Tatıana Protopopova. 

Mamannyń aıtýynsha, bıyl 1-synypqa 7,3 myń bala qabyldandy, jalpy 75 myń oqýshy bar. Sabaq 1 qyrkúıekte bastalyp, 25 mamyrda aıaqtalady. 

Sondaı-aq bıyl 3-synyptan bastap shet tilin, eńbek jáne beıneleý óneri pánderi engiziledi. 
Buǵan deıin SQO-da kókjótelden em alǵan balalardyń sany bes ese artqanyn jazǵan edik.