SQO-da zańsyz veterınarlyq anyqtama berýdiń 250-ge jýyq deregi anyqtaldy

<p>PETROPAVL. KAZINFORM &ndash; Soltústik Qazaqstan oblysynyń prokýrorlary veterınarııa qyzmetin tekserip, júıeli zańbuzýshylyqtardy anyqtady.</p>

SQO prokýratýrasynyń málimetinshe, oblystyń veterınarlyq qyzmetteri «Veterınarııa týraly» Zańnyń talaptaryna qaıshy, veterınarııalyq qujattardy berý jáne janýarlardy vaktsınatsııalaý tártibin buzyp, iri qara malǵa dıagnostıkalyq zertteýlerdi tolyq júrgizbegen. 
Tekserý barysynda veterınarlardyń 15 myń jaǵdaıda aýyl sharýashylyǵy janýarlaryna qaǵaz júzinde vaktsına salǵandyǵy anyqtaldy.

242 jaǵdaıda belgilengen tártipti buza otyryp, jeke jáne zańdy tulǵalarǵa veterınarııalyq anyqtamalar berilgen.

Al jergilikti atqarýshy organdar veterınarııalyq erejelerdiń talaptaryna qaıshy sibir jarasy qorymdary men mal qorymdaryn tıisti deńgeıde ustaýdy qamtamasyz etpegen.

Soıý pýnktteri men alańdardyń jetkiliksizdiginen jeke sharýashylyqtar áli de maldy ózderinde soıýdy toqtatpaǵan. 

Prokýrorlyq qadaǵalaý aktisi boıynsha 78 laýazymdy tulǵa tártiptik jaýapkershilikke tartyldy, oblys ákimdigi zań buzýshylyqtardy joıýǵa jáne osy saladaǵy jaǵdaıdy jaqsartýǵa baǵyttalǵan keshendi jospardy bekitti.

Ýákiletti memlekettik organdar arnaıy jerlerde maldardy soıǵandyǵy úshin ákimshilik jaýapkershilik baryn eskertedi. Ákimshilik aıyppul 73 840 teńgeden 738 400 teńgege deıin. 

Buǵan deıin SQO-da jaz maýsymynda sýǵa shomylýǵa ózen-kólderde 60 oryn ázirlenetinin aıtqan edik.