SQO-da vaktsına alýǵa yntalandyrý úshin túrli utys oıyny ótkizilip jatyr

PETROPAVL. QazAqparat – Soltústik Qazaqstan oblysynda endi vaktsına saldyrý arqyly shıpajaıǵa nemese tegin tis emdetýge sertıfıkat utyp alýǵa bolady, dep habarlaıdy QazAqparat tilshisi.

SQO densaýlyq saqtaý basqarmasynyń basshysy Nurlan Aımanov oblystyq ákimdiktiń otyrysynda vaktsınatsııa qarqynyn arttyrý úshin birqatar sharalardyń qolǵa alynǵanyn aıtty.

Sonyń biri – vaktsına alýshylar arasynda utys oıynyn ótkizý.

Joly bolǵandar sanatorlyq-kýrorttyq joldamalar, stomatologııalyq kabınetterge tisti emdeýge, protezdeýge joldama alady.

«18 qańtar men 7 aqpan aralyǵynda turǵyndar arasynda vaktsına saldyrýshylar qatarynyń 3 % artqanyn kórip otyrmyz. Shamamen 6,5 myń adam ekpe alǵan. Apta saıyn oblys ákimi orynbasarynyń qatysýymen vedomstvoaralyq komıssııanyń otyrysy uıymdastyrylyp keledi. Ákimdikte bir aı buryn úılestirý keńesi quryldy. Ol jerde jergilikti atqarýshy organdar berip otyrǵan vaktsınatsııa, revaktsınatsııa boıynsha málimetterdiń durystyǵy tekseriledi», - deıdi Nurlan Aımanov.

Jalpy SQO-da vaktsınanyń birinshi komponentin 293,5 myń adam alsa, tolyq kýrstan 275,5 myń adam ótti.

Bul barlyq vaktsınatsııadan ótýi tıis halyqtyń 74,29 %-y.

Al revaktsınatsııadan 75 myńǵa jýyq adam ótti. Kórsetkish – 45 %.

«Pfizer vaktsınasyn oblysta 42 705 adam alýy tıis. Onyń 32 myńy – jasóspirim, 4,5 myńy – júkti áıel jáne 6 105-i – emizýli balasy bar kelinshek. Búgingi kúni vaktsınanyń birinshi komponentin 11 169 adam aldy, 7 010 adam tolyq kýrstan ótti. Bul kórsetkish respýblıka boıynsha tómen», - deıdi basqarma basshysy.