SQO-da úıirli shegirtke boıynsha jaǵdaı turaqty

<p>PETROPAVL. KAZINFORM &ndash; Soltústik Qazaqstan oblysynyń Ýálıhanov aýdanynda ıtalıandyq prýs shegirtkesi tirkeldi. Boljam boıynsha zııankestiń osy túri 2 myń ga alqapqa jaıylýy múmkin. &laquo;Fıtosanıtarııalyq dıagnostıka jáne boljam ortalyǵy&raquo; RMM SQO fılıaly basshysynyń orynbasary Zýra Kenjeǵalıevanyń aıtýynsha, óńirde úıirmen júretin shegirtkelerdiń ishinde ıtalıandyq prýs shegirtkesi kezdesedi. Bıyl ol Ýálıhanov aýdanynda anyqtalyp otyr. Qazirgi ýaqytta zııankesterdiń dernásilderin anyqtaý úshin alqaptar tekserilip jatyr.&nbsp;</p>

«Ázirge ıtalıandyq prýs shegirtkesiniń dernásilderi tabylǵan joq. Óıtkeni kóktem salqyn, jaýyn-shashyndy boldy, aýa temperatýrasy qubylyp, zııankestiń kóbeıýine kedergi keltirdi. Boljam boıynsha 2 myń ga alqapqa osy asa qaýipti zııankes jaıylýy múmkin. Biraq der kezinde hımııalyq óńdeý júrgizý arqyly ony joıýǵa bolady. Saıaq shegirtkelerge keletin bolsaq, bıyl olardan keler qaýip joq. Olardy negizinen shabyndyqtardan, jaıylymdardan ǵana kórdik. Alqaptardyń shetinde biren-sarany kezdesedi, bir sharshy metrge 1-2 zııankesten ǵana, bul – qaýipsiz. Desek te, 2,1 myń ga alqapty dárileýdi usynyp otyrmyz», - deıdi Zýra Kenjeǵalıeva.

Mamannyń aıtýynsha, Reseımen jáne Qazaqstannyń basqa óńirlerimen shekarada jaǵdaı turaqty. 

Italıandyq prýs – ósimdik talǵamaıtyn zııankes. Olar úlken qashyqtyqtarǵa kóship júredi. SQO-da sońǵy ret jappaı taralýy osydan shamamen 10 jyl buryn baıqalǵan eken. Ýálıhanov aýdanynyń dıqandaryna 3,5 myńnan astam alqapty hımııalyq óńdeýge týra keldi. 

Buǵan deıin Petropavlda «Taý tulǵalarǵa tuǵyr bolǵan qasıetti Pavlodar óńiri» atty kórme jumys istep jatqanyn jazǵan edik. Joba aıasynda Kereký óńirinen SQO-men baılanystyratyn qundy dúnıeler – 100-ge jýyq jádiger ákelingen.