SQO-da úsh aýdan men Petropavldy sý basý qaýpi bar

<p>ASTANA. KAZINFORM &ndash; Soltústik Qazaqstan oblysyndaǵy sý tasqyny jaǵdaıy óte kúrdeli. Atalǵan aımaqtaǵy qazirgi jaǵdaı týraly oblys ákiminiń orynbasary Qanat Dúzelbaev málimdedi.</p>

«Oblystaǵy sý tasqyny jaǵdaıy óte kúrdeli, turaqty monıtorıng júrgizilýde. Sergeev sý qoımasynyń tolymdylyǵy tańǵy 8:00-de 163% qurady. Esil ózeniniń jaǵalaýynda qaýip, kedergi baıqalmaıdy, sý qoımasyndaǵy aǵyn 355 sm quraıdy, biraq sý tasqyny shegine jetken joq», - dedi Qanat Dúzelbaev OKQ-de ótken brıfıngide. 

Sondaı-aq, ákim orynbasary, 2017 jyly óńirde sýdyń kóterilý kórsetkishi 338 sm bolǵanyn eske saldy. 

«Boljam boıynsha sýdyń kóterilýi 4 metrge deıin jetedi. Bul oblystyń 3 aýdany men Petropavl qalasyn sý basý qaýpin týdyrady. Sý basý aımaǵyna 845 turǵyn úı men 5 myń saıajaı kiredi. Tasqyn sý oblys ortalyǵyna 7-8 kúnde jetedi dep kútilýde. Oblystaǵy 13 aýdannyń 8-de jaǵdaı qıyn. Qar jamylǵysy 38-den 50%-ǵa deıingi deńgeıde, 262 eldi mekendi sý basý qaýpi saqtalýda», - dep tolyqtyrdy Q. Dúzelbaev.