SQO-da túzetý mekemesiniń aýmaǵyna ótkizý maqsatynda esirtki jutyp alǵan adam ustaldy
SQO boıynsha qylmystyq-atqarý júıesi departamenti baspasóz qyzmetiniń málimetinshe, 24 jastaǵy jigit ES-164/3 mekemesine jazasyn odan ári óteý úshin kelgen eken. Jaı kelmeı asqazany arqyly 2,57 gramm marıhýanany túzetý mekemesine ótkizbek bolǵan. Urlyq úshin jazasyn ótep jatqan er adamnan tyıym salynǵan zat tolyq tintý nátıjesinde tabyldy.
«Mekemege kelgennen keıin sottalǵan adam ish kıimine deıin jalańashtanyp, qundylyqtar men baǵaly zattaryn óz erkimen tapsyrýy tıis. Sondaı-aq sottalǵan qylmystyq-atqarý mekemeleriniń qyzmetin reglamentteıtin normatıvtik-quqyqtyq aktilerge sáıkes 10 retke deıin otyryp-turýy qajet. Marıhýanany túıinshekke salyp, jutqan. Mundaı tintý barysynda «N» esimdi sottalǵannan esirtki tabyldy.Túıinshekte kepken marıhýana boldy», - deıdi SQO boıynsha qylmystyq-atqarý júıesi departamentiniń bastyǵy Rýstan Ahmetjanov.
Esirtki zatyn mekemege ótkizbek bolǵan sottalǵan «N»-ǵa qatysty Petropavl qalasynyń polıtsııa basqarmasy «Esirtki quraldaryn, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, satyp alý, saqtaý, tasymaldaý» boıynsha sotqa deıingi tergeýdi bastady. Endi ol qylmystyq jaýapqa tartylyp, 160 AEK deıingi mólsherde aıyppul tóleýi múmkin.
Rýstan Ahmatjanovtyń aıtýynsha, bul bıyldyqqa esirtki ótkizýge árekettenýdiń alǵashqy jaǵdaıy. Byltyr sottalǵanǵa sálem-saýqat arqyly týysy «spaıs» berip jibermek boldy. Keıin «sálemdeme» jiberýshi jazaǵa tartyldy.