SQO-da tutynýshylar byltyr kóńili tolmaǵan taýar úshin 12 mln teńgesin qaıtaryp ala aldy

<p>PETROPAVL. KAZINFORM &ndash; Soltústik Qazaqstan oblysynda byltyr saýda jáne tutynýshylardyń quqyqtaryn qorǵaý departamentine óńir turǵyndarynan 605 ótinish túsken. Bul 2022 jylmen salystyrǵanda shamamen 100 shaǵymǵa artyq.&nbsp;</p>

SQO saýda jáne tutynýshylardyń quqyqtaryn qorǵaý departamenti basshysy Qanat Jeńisbekulynyń aıtýynsha, ótinishterdiń basym bóligi, ıaǵnı 203-i - E-otinish, 150 ótinish - Telegram-bot arqyly, taǵy sonshasy «jedel jeli» jáne 101 ótinish tutynýshylardy qabyldaý barysynda túsken.

«Departamenttiń negizgi mindetteri - ishki saýdany damytý jáne retteýde memlekettik saıasatty iske asyrý, tutynýshylardyń quqyǵyn qorǵaýda tutas jáne tıimdi saıasatty qalyptastyrý.
Tutynýshylardyń quqyǵyn qorǵaý nátıjesinde olarǵa shamamen 12 mln teńge, onyń ishinde bólshek saýda boıynsha 7,2 mln teńge, elektrondyq saýdada 3,6 mln teńge kóleminde aqshalaı qarajatty qaıtarýǵa kómektestik», - deıdi Qanat Jeńisbekuly.

Byltyr jospardan tys tekserý nátıjesinde QR tutynýshylardyń quqyǵyn qorǵaý týraly zańnamany buzǵany úshin 2 kásipker ákimshilik jaýapkershilikke tartylǵan. Taǵy eki kásipker boıynsha ákimshilik quqyq buzýshylyq týraly is taraptardyń tatýlasýyna baılanysty toqtatyldy.

Buǵan deıin azyq-túlik baǵasyn negizsiz ósirgen 6 kásipkerlik sýbektisiniń jazalanǵanyn aıtqan edik.