SQO-da turmysy nashar otbasylarǵa myńnan astam tútin datchıkteri ornatyldy

PETROPAVL. QazAqparat – Soltústik Qazaqstan oblysynda ótken jylytý maýsymynda jeke turǵyn úı sektorynda 390 órt tirkeldi, bul aldyńǵy jylmen salystyrǵanda 33 %-ǵa kóp, dep habarlaıdy QazAqparat tilshisi.

SQO tótenshe jaǵdaılar departamenti baspasóz qyzmetiniń málimetinshe, óńirde turmysy nashar jáne turmysy tómen otbasylar, jalǵyzbasty jáne múgedekter turatyn 4557 jeke turǵyn úı bar. Olardy 17 myńnan astam adam turady, sonyń 5 myńǵa jýyǵy – bala. Bul úıler «qaýip-qater toby» retinde órt sóndirýshilerdiń esebinde tur.

«Bul meken-jaılar bizge jaqsy tanys. Jergilikti atqarýshy organdarmen, jergilikti polıtsııa qyzmeti mamandarymen, volonterlermen jıi baryp, tekserip otyramyz. Órttiń aldyn alý úshin túrli mehanızmderdi qoldanyp jatyrmyz. Bul úılerge tegin myńnan astam tútin datchıgi ornatyldy. Nátıjesi bar, byltyr qysqy jylytý maýsymynda eki oqys oqıǵa ǵana tirkeldi», - deıdi SQO TJD bastyǵy Ramıl Kamalov.

Alaıda áli de órt qaýipsizdigi talabyn buzyp turyp jatqan 600-den astam jeke turǵyn úı bar eken.

«Órttiń shyǵýyna kóp jaǵdaıda peshtiń jaramsyzdyǵy, elektr qondyrǵylaryn ornatýda jáne paıdalanýda erejeni saqtamaý, órtti qodanýdaǵy salaqtyq, ıaǵnı spırttik ishimdik iship, temeki tartý jáne tozyǵy jetken úıler sebep bolady. Órttiń 28 %-y Petropavldyń, 12 %-y Qyzyljar jáne 11 %-y M.Jumabaev aýdandarynyń úlesinde.

Bizdiń bastamamyzben óńirde alǵash ret Petropavl qurylys-ekonomıkalyq kolledjinde pesh salýshy mamandyǵyn 6 adam alyp shyqty. Qazir olardy jumysqa ornalastyrý máselesi sheshilip jatyr», - deıdi Ramıl Kamalov.

Jalpy ótken jylytý maýsymynda SQO-nyń jeke turǵyn úı sektorynda 390 órt tirkeldi, bul aldyńǵy jylmen salystyrǵanda 33 %-ǵa kóp.