SQO-da túrmedegiler omartashy jáne jibek qurtyn ósirýshi mamandyqtaryn meńgeredi

<p>PETROPAVL. KAZINFORM — Soltústik Qazaqstan oblysyndaǵy maksımaldy qaýipsizdik mekemesinde 100 jazasyn óteýshi jumysshy mamandyqtardy meńgermek. Bıyl oqytý baǵdarlamasyna jańa eki kásip enip otyr.</p>

SQO boıynsha qylmystyq-atqarý júıesi departamenti baspasóz qyzmetiniń málimetinshe, № 51 mekeme Aıyrtaý aýdanynyń ortalyǵy Saýmalkólde ornalasqan.

Munda aýyr qylmys jasaǵandar jazasyn ótep jatyr. Kolonııada jańa oqý jylyna oraı saltanatty jıyn ótti. 

Bıyl sottalǵandardyń 100-i eńbek naryǵynda suranysqa ıe mamandyqtardy meńgeredi.

Olar: sheber-qurylysshy, gaz-elektr dánekerleýshi, tiginshi, kógaldandyrý sheberi, landshaft dızaıneri.

Bıyl bul mamandyqtardyń qataryna omartashy jáne jibek qurtyn ósirýshi qosyldy.

Foto: SQO boıynsha QAJD baspasóz qyzmeti

«Oqý baǵdarlamasy 10 aıǵa shaqtalǵan. Mamandar sottalǵandardy arnaıy ádebıetterdi, beınematerıaldardy zerdeleý, sondaı-aq tjirıbe júzinde oqytady. Kórnekilik úshin mekemege ara uıalary, qorǵanys kostıýmderi jáne basqa da qajetti jabdyqtar ákelindi. Jaqynda jibek qurttaryn ósirýge arnalǵan arnaıy ınkýbatorlar ornatý josparlanǵan. Omartashylar men jibek qurtyn ósirýshiler bul jándikterdiń fızıologııasyn, minez-qulqyn túsinip, olarǵa qamqorlyq jasaı bilýi kerek. Sonymen qatar, osy jándikterdiń ónimderin jınap, óńdeýdi de úırenedi», — deıdi № 51 mekeme bastyǵynyń orynbasary Svetlana Spasskaıa.

Mamannyń aıtýynsha, bul kásipter naryqta básekege qabiletti.

Foto: SQO boıynsha QAJD baspasóz qyzmeti

Sondyqtan sottalǵandar jazasyn ótep shyqqannan keıin ońaı jumysqa ornalasa alady nemese óz óndirisin ashýǵa múmkindikteri bar.

Buǵan deıin SQO-da 56 jastaǵy jazasyn óteýshi áıeldiń kolonııada nekesin qıdyrǵanyn jazǵan edik.