SQO-da túrli deńgeıdegi máslıhatqa 193 depýtat saılanady

PETROPAVL. QazAqparat – Soltústik Qazaqstan oblysynda Parlament Májilisi men máslıhattar depýtattarynyń kezekten tys saılaýy 631 saılaý ýchaskesinde ótpek, dep habarlaıdy QazAqparat tilshisi.

SQO saılaý komıssııasy baspasóz qyzmetiniń málimetinshe, óńir boıynsha máslıhattarǵan 193 depýtat saılanbaq. Sonyń ishinde oblystyq máslıhatqa 30 depýtat jasaqtalady. Alaıda turǵyndar onyń 15-in ǵana saılaıdy, ıaǵnı majorıtarlyq júıe boıynsha, al qalǵany partııalyq tizimder boıynsha saılanady.

Al Petropavl qalasy máslıhatynyń 18 depýtaty, 13 aýdan máslıhattarynyń 145 depýtaty tolyqtaı majorıtarlyq júıe boıynsha saılanatyn bolady.

Tutastaı alǵanda, aldaǵy saılaýda oblystyń 13 aýdany men Petropavl qalasy boıynsha 163 depýtat saılanady. Osyǵan oraı oblys ortalyǵynda - 18, aýdandarda 145 okrýgtik saılaý komıssııasy quryldy.

QR Parlamenti Májilisine de depýtat aralas júıe arqyly saılanady. Májiliske 70% partııalyq tizimmen, 30 % birmandattyq okrýgterden.

QR Ortalyq saılaý komıssııasynyń qaýlysymen QR Parlamenti Májilisiniń depýtattaryn saılaý boıynsha SQO aýmaǵy №24 birmandatty saılaý okrýgi bolyp aıqyndalǵan.

Esterińizge salaıyq, Parlament Májilisiniń depýtattyǵyna Qazaqstan Respýblıkasynyń 25 jasqa tolǵan jáne sońǵy on jyl boıy onyń aýmaǵynda turatyn azamaty kandıdat bola alady. Al máslıhat depýtattyǵyna 20 jasqa tolǵan Qazaqstannyń azamaty kandıdat bola alady.