SQO-da turǵyndardy taza sýmen qamtýǵa 10 mlrd teńgeden astam qarajat jumsaldy
SQO ákimi Qumar Aqsaqalov jyldy qorytyndylaǵan jıynda óńirde taza sý men jol máselesiniń birtindep sheshilip jatqanyn aıtty. Máselen bıyl eldi mekenderdi sýmen qamtýǵa rekordtyq qarajat – 10,3 mlrd teńge bólingen. Byltyr 6,5 mlrd teńge bolǵan.
«Keshendi jospar aıasynda 78 aýylǵa taza sý jetedi. Nátıjesinde óńir halqy 100 % aýyz sýmen qamtylady. Alaıda sýdyń tarıfin eki ese kótermekpiz. Biraq bul aqparat túsindirýdi qajet etedi. Óıtkeni turǵyndar eldi mekenge jetkizilgen sý úshin ǵana tóleıdi. Qalǵanyna memleket sýbsıdııa bólgen. Naqty mysalmen túsindireıin. Aýyl turǵyndary úshin sý tarıfi 2006 jyldan bastap ózgermegen. Qazir eldi mekenge bir tekshe metr sý jetkizý quny 850 teńge turady. Onyń 810 teńgesin memleket ótep keledi. Sonda turǵyndar nebári 40 teńge tóleıdi. Endi ol 60-80 teńgege deıin ózgermek. ıAǵnı qazir turǵyndar bir flági sý úshin 15 teńge tólese, tarıf ózgergennen keıin ol 17 teńge turatyn bolady», - deıdi Qumar Aqsaqalov.
SQO-da bıyl sondaı-aq 813 km jol jóndeldi. Buryn aýyl jáne aýdan aralyq joldar ǵana jóndelse, endi kóshe joldary da jónge keltirilip jatyr.
«Jaǵdaı birtindep jaqsaryp keledi. Oblysty keshendi damytý jospary aıasynda 2026 jylǵa deıin 2 100 km joldy jóndeımiz. Nátıjesinde 350 eldi meken turǵyndary bul jumystardyń ıgiligin kórmek», - deıdi oblys ákimi.