SQO-da turǵyndarǵa jylý úshin tólengen 24 mln teńge qaıtarylady

<p>PETROPAVL. KAZINFORM &ndash; Soltústik Qazaqstan oblysynda energııamen qamtýshy kompanııalar ótken jylytý maýsymynyń qorytyndysy boıynsha tutynýshylarǵa 24,1 mln teńge qaıtarýy tıis.&nbsp;</p>

Tabıǵı monopolııalardy retteý komıtetiniń SQO boıynsha departamentiniń málimetinshe, vedomstvo jylýmen jabdyqtaý qyzmetterin kórsetetin tabıǵı monopolııalar sýbektilerimen birlesip 2023-2024 jylǵy jylytý maýsymynyń qorytyndysyn shyǵardy. Mamandar jylýmen jabdyqtaý qyzmetteriniń qunyn qystaǵy aýanyń naqty temperatýrasyn eskere otyryp qaıta eseptedi. Nátıjesinde ortalyqtandyrylǵan jylý júıesine qosylǵan, biraq jylýdy eseptegish quraldary joq tutynýshylardyń artyq tólem jasaǵany anyqtaldy.

Osylaısha tutynýshylarǵa qosymsha qun salyǵyn qosa eseptegende 24 136 773,49 teńge qaıtarylýy tıis. Bul – 11 tabıǵı monopolııa sýbektisiniń tutynýshylarǵa bereshegi. Onyń jartysyna jýyǵy – 11 mln teńge shamasyndaǵy soma «Sevkazenergosbyt» JShS-ne tıesili. Al «Saýmalkól Jylý» JShS 7 mln teńge qaıtarýy tıis.

«Sýbektiler departament qabyldaǵan sheshimmen kelispegen jaǵdaıda, joǵary turǵan organǵa nemese sot tártibimen shaǵymdanýǵa quqyly. Bul kompanııalar qaıta esepteý nátıjesine oraı bereshekti jańa jylytý maýsymynda, ne bir jylda ishinde qaıtarýy tıis. Ol halyqtyń jeke shotynda avans túrinde jeke jolmen kórsetiledi», - deıdi SQO boıynsha Tabıǵı monopolııalardy retteý departamentiniń bólim basshysy Sánııa Saǵyrbaeva.

Mamannyń aıtýynsha, mundaı jaısyzdyq týmaýy úshin barlyq tutynýshylar úıge ortaq jylý esepteý quraldaryn ornatqany jón. Sol kezde tutynýshy jylý energııasynyń naqty tutynylǵan kólemi úshin ǵana aqy tóleıdi jáne sáıkesinshe qystaǵy aýanyń naqty temperatýrasyn eskere otyryp, qaıta esepteý júrgizýdiń qajettiligi bolmaıdy.

Buǵan deıin SQO-da azyq-túlik baǵasyn negizsiz kótergender jazalanǵanyn jazǵan edik.