SQO-da túlekterdiń 53 paıyzy UBT-nyń birinshi kezeńinen ótpek

PETROPAVL. QazAqparat – Soltústik Qazaqstan oblysynda Ulttyq biryńǵaı testileýdiń birinshi kezeńinen osy kúnge deıin 826 túlek ótse, sonyń tórteýiniń jumysy joıyldy, dep habarlaıdy QazAqparat tilshisi.

25 qańtardan bastap elimizde UBT birinshi kezeńi ótip jatyr. SQO-da testileý 22 aqpanǵa deıin jalǵaspaq. Synaqtan balalar Petropavldaǵy balalar men jasóspirimder shyǵarmashylyǵynyń oblystyq ortalyǵynda jáne Ǵ.Músirepov aýdanynda óte alady. Jalpy bıyl óńirde 3368 túlek bolsa, sonyń 53,5 %-y UBT-ǵa qatysýǵa ótinish bildirgen.

Al testileýdiń zańǵa saı ótýin arnaıy komıssııa qadaǵalaıdy, onyń quramyna bıyl «Ádildik joly» RQB SQO boıynsha fılıalynyń ókilderi kirgen. UBT bastalǵaly 826 túlek synaqtan ótse, sonyń tórteýiniń nátıjesi joıyldy.

«Balalardyń tórteýi testileý barysynda shpargalka qoldanbaq boldy. Bireýi uıaly telefondy alyp kirgen, endi biri medıtsınalyq maskaǵa jazyp alypty. Bizdiń túlekter testileýge aldyn ala jaýapkershilikpen daıyndalýdyń ornyna osyndaı áreketterge bardy. Desek te, elimiz boıynsha bizdiń óńirde oqý úlgerimi eń joǵarylardyń qatarynda», - deıdi «Ádildik joly» RQB SQO boıynsha fılıal basshysy Almat Esmaǵulov.