SQO-da týberkýlez, onkologııalyq aýrýlarmen syrqattanǵandar sany artty

<p>Soltústik Qazaqstan oblysynda onkologııalyq syrqattanýshylyq ótken jyldyń uqsas kezeńimen salystyrǵanda 10,5% - ǵa, 1 274-ten 1 405 jaǵdaıǵa deıin ósti.</p>

Al týberkýlez juqtyrýdyń jańa 175 jaǵdaıy tirkelgen, bul ótken jylmen salystyrǵanda 21 adamǵa artyq, - dep habarlaıdy Kazinform.

SQO densaýlyq saqtaý basqarmasynyń basshysy Qumar Kúsemisovtyń aıtýynsha, onkologııalyq aýrýlardy erte – І-ІІ kezeńde anyqtaý 7,8% - ǵa artty, bıyl 959 adamǵa qaterli isik dıagnozy qoıylǵan.

«Oblys boıynsha obyrdy ýaqtyly dıagnostıkalaý tómendegen, bıyl aýrýdyń sońǵy kezeńimen 111 syrqat anyqtalǵan. Bul barlyq dıagnostıkasy 8,1%. Desek te onkologııalyq aýrýlardan bolatyn ólim-jitim 12,9%, byltyrǵy 358-den 311-ge deıin tómendedi», - deıdi Qumar Kúsemisov.

Týberkýlez boıynsha da jaǵdaı SQO-da turaqsyz.

«Ótken jyldary týberkýlezben syrqattanýshylyqtyń kezeń-kezeńimen, birtindep tómendep, sodan keıin 2020 jyldan bastap oblysta aýyrǵandar sany kúrt azaıdy, bul týberkýlezben aýyrǵandardyń tolyq anyqtalmaǵanyn kórsetedi. Byltyr 154 syrqat anyqtalsa, bıyl qaterli dertti juqtyrýdyń 175 jańa jaǵdaıy tirkeldi. Osylaısha 14,3% artyp otyr», - deıdi basqarma basshysy.

Jyl basynan beri oblysta 13 adam týberkýlezden qaıtys boldy. Onyń jeteýinde syrqattar alǵash ret aýyrǵan, olardyń ekeýinde VICh bolǵan.