SQO-da traktor men jeńil kólik soqtyǵysyp, úsh adam qaza tapty

<p>PETROPAVL. KAZINFORM &ndash; Soltústik Qazaqstan oblysy Beskól aýylynyń mańynda jol-kólik oqıǵasy bolyp, úsh adam mert boldy.</p>

Jol-kólik apaty búgin Qyzyljar aýdany Beskól aýylynan 3 km jerde bolǵan. SQO Polıtsııa departamenti baspasóz qyzmetiniń málimetinshe, «Astana – Petropavl» avtojolynda Infiniti FX45 avtokóliginiń júrgizýshisi bir baǵytta ketip bara jatqan «Belarýs» traktorynyń tirkemesine soǵylǵan.

Saldarynan jeńil kóliktiń 20 jastaǵy júrgizýshisi men onyń 37 jáne 27 jastaǵy eki jolaýshysy oqıǵa ornynda kóz jumdy, taǵy bir 1996 jylǵy jolaýshy qyz bala ortalyq aýdandyq aýrýhanaǵa jetkizildi. Traktordyń 35 jastaǵy júrgizýshisi zardap shekpedi.

Qazirgi ýaqytta polıtsııa qyzmetkerleri úsh adamnyń qazasyna alyp kelgen jol-kólik oqıǵasy faktisi boıynsha qajetti saraptamalar men sotqa deıingi is júrgizýdi taǵaıyndaý úshin materıaldar jınap jatyr.

Buǵan deıin «Astana-Petropavl avtojolynda boıaý tıelgen fýranyń aýdarylyp qalǵanyn jazǵan edik.