SQO-da tótenshe jaǵdaı rejımine baılanysty engizilgen keı shekteýler jeńildetildi

PETROPAVL. QazAqparat – Soltústik Qazaqstan oblysynda tótenshe jaǵdaı rejımine baılanysty engizilgen keı shekteýler jeńildetildi, dep habarlaıdy QazAqparat tilshisi.

SQO kásipkerler palatasy baspasóz qyzmetiniń málimetinshe, óńirdegi jaǵdaıdyń turaqtanýyna baılanysty oblys komendantynyń 6 qańtardaǵy № 3 buıryǵyna ózgertýler engizildi. ıAǵnı shekteý sharalary jeńildetildi. Buǵan deıin oblys aýmaǵynda etıl spırti men alkogol ónimin satýǵa tyıym salynsa, endi saǵat 12.00-den 17.00-ge deıin satýǵa ruqsat.

Sondaı-aq óńirdegi oıyn-saýyq mekemeleriniń, dámhanalardyń, meıramhanalardyń, barlardyń jumysy saǵat 09.00-den 18.00-ge deıin shektelse, endi jumys ýaqyty 20.00-ge deıin uzartyldy. Sondaı-aq qoǵamdyq tamaqtaný oryndary alkogol ónimin saǵat 12.00-den 17.00-ge deıin sata alady.

Buǵan deıin óńirde tótenshe jaǵdaı rejımine qatysty engizilgen shekteýge qaramastan 7 dúkenniń araq-sharapty satqany úshin ákimshilik jaýapkershilikke tartylǵanyn aıtqan edik.