SQO-da topyraq basyp qalǵan jumysshynyń ólimine qatysty tergeý bastaldy

<p><span style="font-family: sans-serif; font-size: 18px;">Soltústik Qazaqstan oblysy memlekettik eńbek ınspektsııasy basqarmasy qurylysta topyraq astynda qalyp qaza tapqan jumysshyǵa qatysty tergeý júrgizip jatyr, dep habarlaıdy QazAqparat tilshisi.</span></p>

Petropavlda 14 qyrkúıek kúni 35 jastaǵy jumysshy qurylysta mert boldy, onyń ústinen topyraq basyp qalǵan. 

Basqarmanyń eńbekti qorǵaý jáne qaýipsizdikti baqylaý bóliminiń basshysy Azat Kúsherbaevtiń aıtýynsha, oqys oqıǵa oblys ortalyǵyndaǵy lıker-araq zaýytynyń aýmaǵynda bolǵan.

Jumysshy transheıa qazyp jatyp, opat bolǵan.

«Qaza tapqan Sergeı Sheverdın «Pıchevskıı» kásipornynda ártúrli jumys istep kelgen. 14 qyrkúıek kúni Petropavl lıker-araq zaýytynyń aýmaǵynda saǵat 20.00-ge deıin káriz qubyryn tartqan. Jumys kúni aıaqtalǵannan keıin barlyǵy kıim aýystyrýǵa ketken. Al Sheverdın jumys ornynda telefonyn umytyp ketkendikten qaıtyp kelgen», — deıdi Azat Kúsherbaev.

Sergeı jarty saǵat ishinde qaıtyp kelmegendikten, basqa jumysshylar ony izdep barǵan. Kelgen kezde topyraqtan er adamnyń qoly shyǵyp turǵan. Kelgen jedel járdem qyzmeti er adamnyń ómirine arasha túse almady.

«Pıchevskıı» JK memlekettik eńbek ınspektsııasyna arnaıy tekseris júrgizý úshin oqys oqıǵa jaıynda habarlady. Tergeý qorytyndysy keıin jarııalanbaq.