SQO-da tólemderdiń jartysy ınternet arqyly jasalady
Memlekettik qyzmet isteri jáne sybaılas jemqorlyqqa qarsy is-qımyl agenttigi Soltústik Qazaqstan oblysy boıynsha departamenti baspasóz qyzmetiniń málimdeýinshe, óńirde «Qyzyljar - adaldyq alańy» jobasy iske asyrylýda. Ondaǵy maqsat - sybaılas jemqorlyqqa tózbeıtin kózqaras qalyptastyrý, azamattardyń memlekettik bılik ınstıtýttaryna degen senimin arttyrý.
«Keńseniń aldynda turǵan basty mindetterdiń biri retinde turǵyndarǵa qyzmet kórsetýge, sonyń ishinde elektrondy formattaǵy qyzmetter boıynsha barynsha jaqsy jaǵdaı jasaý qajettigin aıtýǵa bolady. Oblysta tutynýshylar kommýnaldyq qyzmetterdiń aqysyn tólep, olarǵa monıtorıng júrgizýge qolaıly jaǵdaılar jasaldy», - deıdi baspasóz qyzmetiniń ókilderi.
Oblys turǵyndary aı saıyn ár kommýnaldyq qyzmetke qansha tóleý qajettigi kórsetilgen biryńǵaı tólem qujatyn alyp otyr. Kompanııa máselesin aıtyp kelgen turǵyndardy servıs ortalyqtarynda qabyldaıdy ári olardyń suraqtaryna baılanys ortalyqtarynda telefon arqyly da jaýap beredi.
Departament ókilderiniń sózine qaraǵanda, tólemderdiń 50%-ynan astamy ınternet arqyly tólenip jatyr.