SQO-da tirkeýi joq eki myltyǵy bar mototsıkl júrgizýshisi polıtsııadan qashyp qutylmaq boldy
SQO polıtsııa departamenti baspasóz qyzmetiniń málimetinshe, 28 shildege qaraǵan túni ýchaskelik polıtsııa ınspektorlary Qyzyljar aýdany Dolmatovo aýylynyń mańynda jumys istep, «Qaýipsiz jol» jedel-profılaktıkalyq is-sharasyn jáne «Rólde uıyqtaý» aktsııasyna qatysqan. Bir sát olardyń nazaryn aýyl jolynda ketip bara jatqan memlekettik nómiri joq Oral mototsıkli aýdardy. Kólik shamdaryn sóndirip júrgen.
Qyzmettik kólikti kórgen kezde júrgizýshi joldan shyǵyp, jasyrynýǵa tyrysqan. Tártip saqshylary ony Dolmatovo aýylynda toqtatty. Tekserý nátıjesinde rólde otyrǵan 42 jastaǵy aýdan turǵynynyń tıisti sanattaǵy júrgizýshi kýáligi joq ekeni anyqtaldy. Mototsıkldi tekserý kezinde ýchaskelik ınspektorlar kólikten optıkalyq kózdeýge múmkindigi bar 5,6 mm kalıbrli eki tirkelmegen TOZ-18 myltyǵyn taýyp aldy.
«Aýyl turǵynynyń aıtýynsha, ol bul qarýlardy taýyp alǵan. Aqparattyń rastyǵyn tergeý anyqtaıtyn bolady. Qarýdy tasymaldaý faktisi QR Qylmystyq kodeksiniń 287-babynyń 3-bóligi boıynsha sotqa deıingi tergep-tekserýlerdiń biryńǵaı tiziliminde tirkeldi. Tárkilengen qarý boıynsha saraptama taǵaıyndaldy.
Sonymen qatar er adam kólik quralyn tıisti qujatsyz basqarǵany úshin ákimshilik jaýapkershilikke tartylatyn bolady. Mototsıkl arnaıy avtoturaqqa qoıyldy.
Esterińizge sala keteıik, tirkelmegen qarýdy saqtamaı erikti túrde tapsyrý jaýapkershilikten qutqarady», – deıdi Qyzyljar aýdany polıtsııa bólimi bastyǵynyń mindetin atqarýshy Rýstam Sadýlov.