SQO-da terrorıstik turǵydan osal nysandardyń 4 basshysy jaýapqa tartyldy
SQO polıtsııa departamenti baspasóz qyzmetiniń málimetinshe, Ekstremızmge qarsy is-qımyl basqarmasynyń qyzmetkerleri medıtsınalyq jáne bilim berý mekemeleriniń, saýda úıleriniń jáne adam kóp júretin basqa da oryndardyń qaýipsizdigin nazarǵa alady.
Petropavl men oblys aýdandarynda terrorıstik turǵyda osal obektilerde 32 kemshilik anyqtaldy. Uıymdardyń basshylyǵyna anyqtalǵan olqylyqtardy joıý boıynsha uıǵarymdar jiberildi. Máselen, óńirdegi oqý oryndarynyń birinde mekemeniń tóńiregi beınebaqylaýǵa alynbaǵan, beınejazbalardy saqtaýdyń arnaıy erejelermen belgilengen merzimi saqtalmaǵan. Personal da terrorıstik qaýip kezindegi áreketterden beıhabar bolyp shyqty.
«Syn saǵattaǵy áreketterdi jaqsy bilgen jón. Jarylǵysh zat qoıyldy degen habarlamany qabyldaǵanda tutqanyń arǵy jaǵyndaǵy adamdy sońyna deıin tyńdap, naqtylaıtyn suraqtar qoıý qajet. Óıtkeni qońyraýdy qabyldaǵan adam óz basshylyǵyn barlyq qajetti aqparatpen qamtamasyz etýi tıis. Keıin jedel qyzmetterge habarlap, alǵashqy evakýatsııa sharalaryn qolǵa alý kerek», - deıdi SQO PD Ekstremızmge qarsy is-qımyl basqarmasy bastyǵynyń orynbasary Spartak Qabdenov.
SQO-da terrorıstik turǵyda osal 600 nysan bar. Olardy basshylary qaýipsizdikti retteıtin tehnıkalyq quraldarmen qamtamasyz etýge mindetti. Adamdar kóp júretin oryndar beınebaqylaý júıesimen baqylanýy tıis. Daǵdarys jaǵdaıynda adamdardy shuǵyl túrde aqparattandyratyn júıemen, kúzettik jaryqtandyrylýmen jáne órt-kúzet dabylymen jaraqtalýy qajet. Kúzetiletin aımaqtarda adamdardy ótkizý rejımi saqtalýy kerek. Strategııalyq, asa mańyzdy jáne qaýipti óndiris obektilerine ınjenerlik-tehnıkalyq nyǵaıtylý turǵysynda qosymsha talaptar qoıylady. Mekemelerdiń basshylary ózderine qarasty obektilerdiń qaýipsizdigine jyl saıyn qarjylandyrý bólýdi qarastyrýy qajet.
Óreskel zańbuzýshylyqtarǵa jol bergen 4 nysannyń basshylary «Terrorıstik turǵydan osal obektiniń terrorızmge qarsy qorǵalýyn qamtamasyz etý jáne qaýipsizdiginiń tıisti deńgeıin saqtaý jónindegi mindetterdi oryndamaý jáne tıisinshe oryndamaý» baby boıynsha jaýapkershilikke tartyldy. Endi olar 100 AEK kóleminde aıyppul tóleıdi.