SQO-da tasqynnan zardap shekken mektep túlekterine qosymsha 136 grant berildi

<p>PETROPAVL. KAZINFORM &ndash; Soltústik Qazaqstan oblysynda bıyl talapkerlerge grantpen joǵary bilim alýǵa múmkindik kóp. Jergilikti ýnıversıtetke 1150 grant bólindi, budan bólek tasqynnan zardap shekken aımaq retinde de mektep túlekterine jeńildikter jasalyp jatyr.&nbsp;</p>

M.Qozybaev atyndaǵy Soltústik Qazaqstan ýnıversıteti baspasóz qyzmetiniń málimetinshe, bıyl bólingen grant byltyrǵydan 270-ke joǵary. Arızona ýnıversıtetimen qos dıplomdyq baǵdarlama boıynsha taǵy 500 grant berilgen.

Foto: Qozybaev ýnıversıteti

Munda óńir jastary ǵana emes, Qazaqstannyń barlyq óńirlerinen de kelip bilim ala alady. Solardyń biri - Aıdana Omarova. Ol Astanadan kelip, barlyq tıisti qujattardy rásimdep úlgerdi.

Foto: Qozybaev ýnıversıteti

«Nazarbaev Ýnıversıtetine túsý úshin jetkilikti ball jınadym, biraq Arızona ýnıversıtetimen qos dıplom baǵdarlamasy bar Kozybayev University tańdadym. Bıotehnologııa boıynsha bilim almaqpyn, shetelde tájirıbe jınaýǵa múmkindik bar», - deıdi Aıdana Omarova.

136 adam sý tasqynynan zardap shekken aımaqtarǵa berilgen kvota boıynsha aqysyz oqýǵa tústi. Grant jeńip almaǵan oqýshylarǵa áli de múmkindik bar. SQO ákimi 58 grant taǵaıyndaıdy.

«Bıyl el boıynsha «Qazaqstan halqyna» qory 850 grant bóldi. Al «Freedom» bank bolsa jeke bizdiń oqý ornyna 15 grant berdi. Bul talapkerlerge berilgen óte jaqsy múmkindik. dep oılaımyn. Qazir qujattar qabyldanyp jatyr», - deıdi ýnıversıtettiń Basqarma tóraǵasy- rektor Erbol Isaqaev.

Qazir joǵary oqý ornynda jańa oqý jylyna daıyndyq júrip jatyr.

«Korpýstar men jataqhanalardy jóndeýden ótkizdik, stýdentterdiń jaıly turýy úshin jıhaz jáne turmystyq tehnıka satyp alyndy. SQO ákimdiginen qoldaýymen 1200 oryndyq jataqhananyń qurylysy aıaqtalmaq. Sondaı-aq 306 oryndyq jataqhana paıdalanýǵa berildi. Jataqhanalardaǵy oryndar sany qazir 1800. Jańa jataqhanalar qoldanysqa engizilgen kezde bul kórsetkish shamamen 3 myńǵa jetedi. Osylaısha stýdentterimizdi 100% jataqhanamen qamtamasyz etemiz», - deıdi Erbol Isaqaev.

Buǵan deıin Petropavlda tasqyn kezinde zaqymdanǵan mektep jańa oqý jylyna deıin paıdalanýǵa beriletinin jazǵan edik.