SQO-da tasqynnan keıin sý qoımalarynyń jaǵdaıy tekserildi

<p>PETROPAVL. KAZINFORM &ndash; Soltústik Qazaqstan oblysynda sý tasqyny kezinde Sergeev sý toraby arqyly osyndaı 13 sý qoımasynyń mólsherine teń sý ótken. Óńirde tasqynnan keıin gıdrotehnıkalyq qurylystarǵa komıssııalyq tekserý júrgizildi. Nysandardyń jaı-kúıi týraly &laquo;Qazsýshar&raquo; RMK oblystyq fılıalynyń dırektory Shuǵaıyp Ibatýllın brıfıngte aıtyp berdi.</p>

Spıkerdiń aıtýynsha, óńirde negizgi úshi sý qoımasy bar, olar: Sergeev, Petropavl jáne Ǵ. Músirepov atyndaǵy aýdandaǵy Sharyq sý toraptary.

«Sergeev jáne Petropavl sý toraptary qanaǵattanarlyq jaǵdaıda jáne shtattyq rejımde jumys isteıdi. Tasqynnan keıingi komıssııalyq tekserý sý toraptarynyń qanaǵattanarlyq jaǵdaıda ekenin kórsetti. Olardyń qaýipsiz jumys isteýi úshin barlyq qajetti sharalar atqarylyp jatyr. Gıdrotoraptar kelesi sý tasqynyn ótkizýge daıyn bolady. Sharyq sý toraby qazir apattyq jaǵdaıda tur. Osyǵan baılanysta 2016 jyldan bastap nysan «tranzıttik rejımde» jumys istep jatyr. Sondyqtan keler qaýip joq», - dedi fılıal dırektory.

Mamannyń aıtýynsha, 2022 jyldyń jeltoqsanynda mamandandyrylǵan uıym Sergeev jáne Petropavl sý toraptaryna kóp faktorly zertteýler júrgizdi. Nátıjesinde gıdrotehnıkalyq qurylystar barlyq normatıvtik talaptarǵa sáıkestigi anyqtaldy. 2023 jylǵy jeltoqsanda qaýipsizdik deklaratsııalary alyndy, zańnamaǵa sáıkes saraptamalar júrgizildi jáne ýákiletti organda tirkeýden ótti. 

Injenerlik-tehnıkalyq nyǵaıtý aıasynda 2023 jyly Sergeev jáne Petropavl sý toraptarynda jergilikti habarlaý júıeleri ornatylǵan. 

«Bıyl Petropavl sý torabynda avtojoldyń shuńqyrlary tegisteldi. Kúzet beketi men operatorlardyń úı-jaılary jóndeldi. Petropavl jáne Sergeev sý toraptarynda jaǵalaýdy nyǵaıtý jumystary júrgizildi. Sergeev sý torabyndaǵy deformatsııalyq tigisterdi qalpyna keltirý jáne Petropavl sý torabynyń qaqpalaryndaǵy tyǵyzdaý elementterin aýystyrý sııaqty birqatar jumys josparlanǵan», - deıdi Shuǵaıyp Ibatýllın. 

Buǵan deıin tasqynnan zardap shekken SQO-daǵy mektep túlekterine qosymsha 136 grant berilgenin jazǵan edik.