SQO-da tasqynǵa baılanysty bir aıǵa jýyq jabyq jatqan respýblıkalyq jol ashyldy

<p>PETROPAVL. KAZINFORM &ndash; Soltústik Qazaqstan oblysyndaǵy respýblıkalyq mańyzy bar A-16 &laquo;Jezqazǵan-Petropavl&raquo; avtojolynyń 871-873 km jónge keltirilip, kólik qatynasy qalpyna keldi.</p>

«Qazavtojol» UK» AQ SQO fılıaly baspasóz qyzmetiniń málimetinshe, Esil ózeniniń tasýyna baılanysty 9 sáýir kúni «Jezqazǵan-Petropavl» avtojolynyń 2 shaqyrymyn Esil aýdany Pokrovka eldi mekeniniń mańynda sý shaıyp ketti. Aǵystyń qattylyǵynan jol jabyndysy búlindi. Avtojoldy odan ári búlinýden jáne Pokrovka eldi mekenindegi turǵyn úılerdi sýdyń basýynan saqtaý úshin joldy buzyp, sýdy ótkizýge sheshim qabyldandy. Jyryndynyń uzyndyǵy 170 metr boldy.

Qazirgi ýaqytta joldy qalpyna keltirý jumystary júrip jatyr. Joldaǵy oıyqty jabýǵa 15 myń tonna tas tóseldi.

«5 mamyr kúni saǵat 23.55-te respýblıkalyq mańyzy bar A-16 «Jezqazǵan-Petropavl» avtojolynyń 871-873 km-degi shekteý barlyq kólik úshin alyndy. Biraq ol jerde qazirgi ýaqytta reversıvti qozǵalys qalyptasqan. Tıisti jol belgileri qoıylyp, jol polıtsııasy qyzmetkerleri jumys istep jatyr.

Bul ýchaskede jumys áli aıaqtalǵan joq. Joldy qalpyna keltirýge 13 arnaıy tehnıka jumyldyrylǵan», - deıdi «Qazavtojol» UK» AQ SQO fılıaly dırektorynyń orynbasary Qanat Óserbaev.

Buǵan deıin SQO-da sý tasqynynda zardap shekken balalardyń respýblıkalyq «Baldáýren» oqý-saýyqtyrý ortalyǵyna baryp demalatynyn aıtqan edik.