SQO-da tasqyn saldarymen kúresken mehanıkalyq brıgadalar marapattaldy

<p>PETROPAVL. KAZINFORM &ndash; Soltústik Qazaqstan oblysynda kóktemgi sý tasqyny saldarymen kúreske jumyldyrylǵan mehanıkalyq brıgadalardyń jumysy eskerilip, búgin marapatqa ıe boldy.</p>

Sáýir aıynyń sońynda SQO-nyń barlyq aýdandary men Petropavldan barlyǵy 95 mehanıkalyq brıgada quryldy. Olardyń quramynda 700-den astam adam jumys istedi. Sý tasqynynan zaqym kelgen aýmaqtar aýdan-aýdanǵa bólinip, ár mehbrıgada jaýapty etip bekitildi. Atqarylǵan jumys orasan. Jumysshylar zardap shekken turǵyndardyń úılerin qalypqa keltirýmen ǵana aınalysyp qoımaı, apatty dep tanylǵandaryn buzdy, aýmaqty qoqystan tazartyp, tártipke keltirdi. 

Búgin SQO ákimi Ǵaýez Nurmuhambetov sý tasqynynan keıin úılerdi qalpyna keltirýge búkil oblystan jınalǵan mehbrıgadalar men bekitilgen aýdan ákimderiniń orynbasarlaryn marapattady. 

«Bıyl óńirde tasqynnan keıin 2 myńǵa jýyq úı turýǵa jaramsyz dep tanyldy, 1899 úıdi qalpyna keltirýge sheshim qabyldandy. Turǵyndar 261 úıdi qalpyna keltirýdi mehbrıgadalarǵa tapsyrsa, baspana ıeleri 1638 úıdi ózderi jóndeýge sheshim qabyldady. Búgin tynymsyz eńbektiń jemisin kórip otyrmyz – úıler jóndeldi, 1947 úı súrildi.

Sońǵy 5 aıda barlyq mehbrıgadalar uıymshyl bolyp jumys istedi. Munyń bári ortaq maqsat - zardap shekkender tezirek úılerine oralýy úshin jasaldy. Búgin marapat óz qaharmandaryn tapty, olardyń adal jáne tynymsyz eńbekteri úshin alǵys bildirdim», - dep jazdy óńir basshysy áleýmettik jelide. 

Buǵan deıin tasqynnan zardap shekken Qyzyljar aýdanyndaǵy jaǵdaıǵa toqtalyp, atqarylǵan jumys jaıynda jazǵan edik. Munda 14 eldi meken sý astynda qaldy. Saldarynan 1546 úı zaqymdandy.