SQO-da taǵy bir alyp náreste dúnıege keldi

PETROPAVL. QazAqparat – Soltústik Qazaqstan oblysynda 5 keli 410 gramm salmaqpen náreste týdy, dep habarlaıdy QazAqparat tilshisi.

Bul bıyldyqqa ómirge kelgen eń alyp bala, buǵan deıin týǵan shaqalaqtyń salmaǵy 5 keli 400 gramm bolǵan edi.

SQO kópbeıindi aýrýhana perınataldy ortalyǵynyń málimetinshe, alyp bala 23 shilde kúni dúnıe esigin ashty. Anasy – Sergeevka qalasynyń turǵyny, bul otbasyndaǵy tórtinshi bala. Áıeldiń qalǵan balalary 3 kg salmaqpen týǵan. Ázirge ana men bala dárigerlerdiń baqylaýynda.

«Úlken salmaqpen týǵan balany da, onyń anasyn da jaǵdaılarynyń jaqsy ekendigine kóz jetkizbeıinshe ortalyqta ustaımyz. Keshe 18 shilde kúni 5 keli 400 gramm salmaqpen dúnıege kelgen taǵy bir náresteni anasymen úıine jiberdik. Jaǵdaılary jaqsy. Olar Qyzyljar aýdanynyń turǵyny. Jalpy alyp balalardyń basym bóligi – uldar», - deıdi ortalyq qyzmetkerleri.

Dárigerlerdiń aıtýynsha, 4 keliden asa týǵan balalar – iri salmaqty dep esepteledi. Byltyr perınataldy ortalyqta 4512 náreste dúnıege kelse, solardyń 691-i iri sanalady. Bir bala, tipti 6 keli 250 grammen týǵan. 65 ana perınataldy ortalyqtan egiz balasymen úıine ketti.

Bıyl dárigerler 2524 balanyń dúnıege aman-esen kelýine kómektesti. Onyń 404-iniń salmaǵy 4 kg joǵary bolǵan. Úshem tirkelmegen, degenmen, 39 egiz dúnıe esigin ashty.