SQO-da sý tasqynynyń ekinshi tolqyny bastaldy

<p>PETROPAVL. KAZINFORM — Soltústik Qazaqstan oblysynda Esil ózeni sýy ekinshi ret kóterilip jatyr. Toqsan bı gıdrologııa beketinde sý deńgeıi bir táýlikte 95 sm-ge joǵarylady.</p>

«Qazgıdromet» RMK SQO fılıalynyń málimetinshe, Esil ózeni Toqsan bı aýylynyń janynda 16 sáýir kúni tańerteńnen bastap kóterilip jatyr. Sondaı-aq Dolmatovo eldi mekeniniń janynda da ózen deńgeıi 20 sm-ge bıiktegen.

Mundaǵy qaýipti deńgeı 1450 sm bolsa, qazir 1532-ge jetken. 

Petropavlda ekinshi kún ózgerissiz. Al mundaǵy sý qoımasynda deńgeı -5 sm-ge tústi. 

Sý tasqynynyń ekinshi tolqynynyń kelýinen Sergeev sý qoımasynda deńgeıi 3 sm-ge joǵarylaǵan. 

Al shaǵyn ózenderde sý qaıtyp jatyr. Máselen Babyqburlyqta ótken táýlikte 126 sm-ge, Aqanburlyqta 120 sm-ge túsken.

Buǵan deıin Petropavlda sý tasqynynan zardap shekken saıajaı ıelerine qandaı tólem jasalatynyn aıtqan edik.