SQO-da sý tasqynynan qyrylǵan malǵa ótemaqy berilip jatyr

<p>PETROPAVL. KAZINFORM &ndash; &nbsp;Soltústik Qazaqstan oblysy Qyzyljar aýdanynda turǵyndar sý tasqyny kezinde ólgen maly úshin ótemaqy alýda.&nbsp;</p>

SQO aýyl sharýashylyǵy jáne jer qatynastary basqarmasy baspasóz qyzmetiniń málimetinshe, Qyzyljar aýdanynda 27 bas maldyń ólgeni tirkelgen. Onyń 2-eýi sıyr, 7-eýi qoı-eshki, 2-eýi – jylqy jáne 16-sy shoshqa. 

«Aýdannyń turǵyn úı-kommýnaldyq sharýashylyǵy bólimi ólgen mal boıynsha keltirilgen zalaldy óteýge ótinish qabyldap jatyr. Jergilikti aýqymdaǵy tabıǵı sıpattaǵy tótenshe jaǵdaı saldarynan zardap shekkenderge keltirilgen materıaldyq shyǵyndy baǵalaý jáne óteý jónindegi komıssııa jumys isteıdi. Bazada bar, ólgen úsh janýar úshin bıýdjet qarajaty esebinen eki iri qara mal men bir usaq malǵa jalpy somasy 510 myń teńge ótemaqy berildi. Qalǵan mal boıynsha tólem «Asar» qory arqyly júrgizilip, tólendi. Bul – 1 mln 642 myń teńge», - dedi vedomstvo ókilderi. 

Buǵan deıin batysqazaqstandyq kásipkerlerdiń óńirde bolǵan sý tasqynynan 7 mlrd teńge shyǵynǵa batqanyn jazǵan edik.