SQO-da sý kirgen aýyldarǵa turaqtandyrý qorynyń ónimderi jetkiziledi

<p>PETROPAVL. KAZINFORM &ndash; Soltústik Qazaqstan oblysynda sý tasqynyna baılanysty kúrdeli jaǵdaı qalyptasqan eldi mekenderge azyq-túlik jetkizilmek. Qajetti ónim turaqtandyrý qorynan alynady.</p>

SQO ákimi Ǵaýez Nurmuhambetov oblystyń turaqtandyrý qoryn tekserdi.

Foto: SQO ákimdigi baspasóz qyzmetinen

Qazir munda 9 myń tonna áleýmettik mańyzy bar ónim bar. Bul kókónister, kúrish, qaraqumyq, makaron ónimderi, qant, tuz, taýyq eti, jumyrtqa jáne kúnbaǵys maıy. Atalǵan qor 5 aıǵa jetedi.

«Qajet bolǵan jaǵdaıda turaqtandyrý qorynyń ónimi kúrdeli sý tasqyny jaǵdaıy qalyptasatyn eldi mekenderge kóliktermen jetkizilmek. Jalpy, bul kezeńde eń qajetti taýarlar baǵasynyń kóterilýine jol bermeý jáne baǵa ózgergen kezde ınterventsııa jasaý óte mańyzdy», - dep jazdy oblys ákimi áleýmettik jelide.

Eske salsaq, SQO-da Esil ózeniniń sýy bir táýlikte 5 metrge kóterilgenin habarlaǵan bolatynbyz.