SQO-da sý basýy múmkin aýdanǵa qutqarýshylardyń alǵashqy toby attandy

<p>PETROPAVL. KAZINFORM &ndash; Soltústik Qazaqstan oblysy Ǵabıt Músirepov atyndaǵy aýdanǵa Tótenshe jaǵdaılar departamentiniń 13 qyzmetkeri attandy. Mamandar sý tasqyny bolýy múmkin eldi mekenderde jumys istep, tabıǵı apatqa qarsy is-sharalarǵa qatysady.</p>

SQO Tótenshe jaǵdaılar departamenti baspasóz qyzmetiniń málimetinshe, aýdanǵa attanǵan alǵashqy toptyń quramynda «Órt sóndirý jáne avarııalyq-qutqarý jumystary qyzmeti» MM jáne «Jedel-qutqarý jasaǵy» RMM bólimsheleriniń qutqarýshylary men órt sóndirýshi-qutqarýshylary bar. Olar ótimdiligi joǵary arnaıy eki avtokólikpen jáne motorly qaıyqpen jaraqtandyrylǵan. 

Foto: SQO TJD baspasóz qyzmeti

Mamandar adamdardy qutqarý jáne evakýatsııalaýmen, kishi ózenderde muz kesýmen, sý tasqyny jaǵdaıyn monıtorıngten ótkizýmen jáne jaǵdaı nasharlaǵan kezde halyqqa ózge de kómek kórsetýmen aınalysady.

Arnaıy jasaq Ǵ.Músirepov atyndaǵy aýdannyń Rýzaevka jáne Chıstopole eldi mekenderine baryp, ornalasyp, sý aıdyndaryn tekserýge jáne ózderine bólingen ýchaskelerde jumysty josparlaýǵa kirisedi.

Jalpy SQO-da 87 eldi meken sý basý qaýpi joǵary aýmaqta ornalasqan. Qys bastalǵaly 1,6 mln tekshe metr qar shyǵaryldy. Bul sońǵy 7 jyldaǵy rekordtyq kórsetkish.