SQO-da spırttik ishimdik ishken 5 jasóspirimge kómek kórsetildi

<p>PETROPAVL. KAZINFORM &ndash; Soltústik Qazaqstan oblysynda psıhıkalyq densaýlyq ortalyǵynyń mamandary muǵalimderge aýtodestrýktıvti minez-qulyqtyń belgileri boıynsha dáris oqyp jatyr.</p>

Petropavldaǵy №17 ulttyq órkendeý orta mektep-kesheninde ótken is-sharaǵa 130 ustaz qatysty. Basty maqsat – aqparat berý. 

- Óńir boıynsha 2017 jyly 9 jasóspirim óz-ózine qol jumsap, kóz jumsa, 2023 jyly mundaı - 3, byltyr 2 jaǵdaı tirkelgen. Biz sýıtsıdti múlde boldyrmaý úshin jumys istep jatyrmyz.

Mekteptermen, olardyń psıhologtarymen qarym-qatynas ornattyq. Mundaı kezdesýler aıyna eki ret ótedi. Jıyndar ata-ana jáne jasóspirimdermen jeke-jeke uıymdastyrylady, - deıdi SQO psıhıkalyq densaýlyq ortalyǵynyń dırektory Dáýrenbek Beısenbaev.

Emdeý mekemesi jasóspirimder maskúnemdigimen de kúresedi. Bıylǵy 10 kúnniń ishinde psıhıkalyq densaýlyq ortalyǵyna alkogoldi ishimdik ishken bes jasóspirim jetkizilgen. Onyń úsheýi – ul, ekeýi – qyz bala. Eń kishkentaıy 7-synypta oqıdy.

- Jyl endi bastalǵanymen, mas bolǵan bes balany qabyldadyq. ıAǵnı bul baǵytta da jumysty kúsheıtken jón. Byltyr bir jylda 12 bala ortalyqqa tústi. Keı balalardyń ózderi kómek surap keldi. Máselen byltyr kúızeliske túsip, ózine qol jumsaý oıy bolǵan 65 bala statsıonarda em aldy. Taǵy 86 jasóspirimge psıhologııalyq kómek kórsetilgen. Qazir jaǵdaılary jaqsy, oqýlaryn oqyp jatyr. Negizinen otbasyndaǵy keleńsizdikterge,emotsıonaldyq jaǵdaıyna qatysty habarlasady. Bizdiń psıhologtar táýlik boıy jumys isteıdi, - deıdi Dáýrenbek Beısenbaev.

Buǵan deıin SQO-da 2 myńǵa jýyq jas memlekettik tapsyrys boıynsha jumysshy mamandyqtarǵa oqyp jatqanyn jazǵan edik.