SQO-da sot oryndaýshylary 200 mln teńgeden astam jalaqy bereshegin óndirdi

PETROPAVL. QazAqparat – Soltústik Qazaqstan oblysynyń sot oryndaýshylary astyq kompanııasynan jalaqy boıynsha 200 mln teńgeden astam qaryzdy óndirip aldy, dep habarlaıdy QazAqparat tilshisi QR Ádilet mınıstrliginiń baspasóz qyzmetine silteme jasap.

Vedomstvonyń málimetinshe, Soltústik Qazaqstan oblysynyń sot oryndaýshylary 15-29 qyrkúıek aralyǵynda ótkizilgen aktsııa aıasynda uzaq ýaqyt boıy ózderine tıesili qaryzyn almaǵan 450 qyzmetkerdiń paıdasyna 210 703 689 teńge kóleminde jalaqy boıynsha qaryzdaryn óndirip alǵan.

«Atqarýshylyq is júrgizý boıynsha bereshek Soltústik Qazaqstan oblysynyń astyq óndirý jáne satý naryǵynda jumys isteıtin «Qazeksportastyq« kompanııalar tobynyń egis jáne egin jınaý qyzmeti kezeńinde qalyptasqan. Osylaısha, jumys berýshiler óz qyzmetkerlerimen zańdy tulǵalardyń shottaryna túsken, esepten shyǵarylǵan jáne óndirip alýshylarǵa aýdarylǵan qarajatty tolyǵymen tóledi», delingen habarlamada.

Jyl basynan beri oblystyń sot oryndaýshylary atalǵan sanattaǵy 2000 atqarýshylyq is júrgizý boıynsha 700 mln teńgeden astam qarjy óndirgen.