SQO-da sońǵy eki jylda 10 mlrd teńgege 249 bilim berý nysany kúrdeli jóndeldi
«Nur Otan» partııasy SQO fılıalynyń málimetinshe, kúrdeli jóndeý jumystary týraly oblystyq bilim basqarmasy basshysynyń orynbasary Tatıana Protopopova bilim men ǵylymdy damytý jónindegi qoǵamdyq keńestiń otyrysynda aıtyp berdi.
Qazirgi tańda 38 nysan boıynsha jumystar aıaqtaldy, 9 oqý ornynda aıaqtalýǵa jaqyn, beseýinde syrtqy jumystar júrgizilip jatyr. Olar - Aqjar aýdanynyń Maı orta mektebi, M.Jumabaev aýdanynyń Chıstovskoe jáne Polýdıno orta mektepteri, Mamlıýt aýdanyndaǵy Andreevka mektebi jáne Taıynsha aýdanyndaǵy Amandyq mektebi. Kúrdeli jóndeý jumystary jospar boıynsha eń kóp degende qarashanyń basynda aıaqtalýy tıis.
«Sońǵy eki jylda SQO-da 10 mlrd teńgege 249 bilim berý nysany kúrdeli jóndeldi. 2021 jyly 4,1 mlrd teńgege 52 oqý ornynda tolyq jóndeý júrgizildi, onyń 46-sy aýyldyq jerlerde ornalasqan. Bıyl jónge keltirilgen nysandardyń 42-si mektep, 5 kolledj, 2 balabaqsha jáne 3 oblystyq mekeme bar», - deıdi Tatıana Protopopova.
Mamannyń aıtýynsha, 2025 jylǵa deıin oblystyń tirek eldi mekenderiniń 260 orta mektebin hımııa, bıologııa, fızıka pánderi kabınetterimen kezeń-kezeńimen jaraqtandyrý josparlanǵan. Búgingi tańda 321 mektep fızıka páni kabınetterimen, 255 mektep hımııa kabınetterimen, 253 mektep bıologııa kabınetterimen jabdyqtalǵan, 105 mektepte lıngafondyq-mýltımedııalyq kabınetter bar.
«14 pán kabınetterin satyp alý josparlanǵan. Fızıka, bıologııa pánderiniń 8 kabınetine 50 mln teńge qarajat bólindi. Únemdeý esebinen 28 mln teńgege taǵy 6 kabınet satyp alynbaq. Jyl sońyna deıin pándik kabınetter tolyq kólemde satyp alynady», - deıdi bilim basqarmasy basshysynyń orynbasary.