SQO-da sońǵy bir aptada 5 ret qysqa jınalǵan shóp órtenip ketti
Oblystyq Tótenshe jaǵdaılar departamenti basqarmasynyń bastyǵy Dmıtrıı Rastıhınniń aıtýynsha, ótken aptada oblysta qysqy mal azyǵyna jınaǵan shóptiń órtenýiniń 5 deregi tirkelgen. Sonyń biri 15 tamyz kúni Shal aqyn aýdany Birlik aýylynda boldy.
«Órt sóndirý qyzmetine Birlik aýylyndaǵy qoranyń biri órtengendigi jóninde habar saǵat 15.45 shamasynda túsken. Qoradan shyqqan jalyn onyń janynda úıilip turǵan árqaısysy 300 kelilik 72 orama shópke aýysqan. Órt sóndirýshiler men jergilikti seriktestiktiń erikti órt sóndirý qurylymy jalyndy tek saǵat 21.31 mınýtta tolyq sóndirdi. Jaraqattanǵandar men qaza tapqandar joq. Qora men 21,6 tonna shóp tolyq janyp ketti. Órttiń shyǵýyna elektr jelileriniń qysqa tuıyqtalýy sebep», - deıdi Dmıtrıı Rastıhın.
Taǵy bir órt Aqqaıyń aýdany Tıýmenka eldi mekenindegi seriktestikterdiń biriniń qoımasynda shópti artý kezinde shyqqan.
«Qoımada 15 tonnadaı shóp bolǵan, bul – 75 orama. Órttiń saldarynan 5 tonna – 25 orama shóp janyp ketti. Munyń barlyǵy byltyrǵy shóp. Traktordyń tútiginen ushqyn ushyp, órttiń shyǵýyna sol sebep bolǵan. Órtti Toqshyn eldi mekeninde ornalasqan órt sóndirý beketi qyzmetkerleri jáne seriktestiktiń erikti qurylymy sóndirdi», - deıdi Aqqaıyń aýdany tótenshe jaǵdaılar bóliminiń bastyǵy Erjan Sháripov.
Mamandardyń aıtýynsha, órttiń shyǵýyna kóp jaǵdaıda otty abaısyz qoldaný sebep bolyp jatady.
«Jasyryp ne kerek, keı kórshiler janjaldan keıin kek alý maqsatynda da shópke ot qoıady. Onyń saldaryn oılamaıdy. Jalpy saban-shópti úıdiń, monsha men basqa da sharýashylyq nysandarynyń janyna úıýge bolmaıdy. Onyń elektr taratqyshtarmen ara qashyqtyǵy 15 metr, jolǵa deıin 20 metr jáne ǵımarattar men qurylystardan 50 metr qashyqta ornalasýy qajet», - deıdi Dmıtrıı Rastıhın.
14 tamyz kúni SQO-da órt qaýipsizdigi aılyǵy bastaldy. Ol 15 qazanǵa deıin jalǵaspaq. Mamandar úı-úıdi aralap, órttiń aldyn alý maqsatynda túsindirý jumystaryn júrgizbek.