SQO-da sıyr men jylqy terileri iske jarap, odan proteın óndirilip jatyr

<p>PETROPAVL. KAZINFORM &ndash; Soltústik Qazaqstan oblysynda iske qosylǵan kásiporyn byltyr 300 tonnadan astam joǵary proteındi jemdik qospa óndirdi.</p>

SQO aýyl sharýashylyǵy basqarmasynyń málimetinshe, «SK Proteın» JShS – M. Qozybaev atyndaǵy Soltústik Qazaqstan ýnıversıteti jáne «Ǵylym qory» AQ-nyń ortaq jobasy. Yntymaqtastyq aıasynda kompanııa joǵary proteındi jemdik qospa óndirisin jolǵa qoıý úshin 350 mln teńge kóleminde grant aldy.

Joba boıynsha kásiporyn jylyna 5,4 myń tonna iri qara mal jáne jylqy terisin qaıta óńdep, 2,4 myń tonnaǵa deıin daıyn ónim shyǵara alady. Ótken jyldyń 11 aıynda 675 tonna teri óńdelip, 300 tonna proteın óndirildi.

«ProtSAN» dep atalǵan jergilikti ónim aqýyzǵa baı. Mal terisinen jasalǵan jemdik qospa untaq jáne túıirshik túrinde shyǵarylady. Proteındi aýyl sharýashylyǵy janýarlarynyń, qustyń, balyqtyń ratsıonyna qosýǵa bolady. Ónim «Almaty tehnologııalyq ýnıversıteti» AQ zerttelip, onyń quramynda GMO joq ekendigin anyqtaldy.

Esterińizge salaıyq, Qazaqstandaǵy BUU azyq-túlik jáne aýyl sharýashylyǵy uıymynyń uıymdastyrýymen veterınarlarǵa arnalǵan semınar-trenıng ótip, antıbıotıkterdi orynsyz qoldanýdyń saldary týraly aıtylǵanyn jazǵan edik.