SQO-da «Sybaılas jemqorlyqqa qarsy volonterlik» jobasyna 80 adam qatysyp jatyr

<p>Soltústik Qazaqstan oblysynda &laquo;Sybaılas jemqorlyqqa qarsy volonterlik&raquo; jobasyna qatysýshylar birneshe aýdanda qurylys barysynda jiberilgen olqylyqtardy joıýǵa atsalysty, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Sybaılas jemqorlyqqa qarsy is-qımyl agenttigi SQO boıynsha departamentiniń basshysy Ashat Jaqypbekovtyń aıtýynsha, halyqtyń jemqorlyqqa qarsy kúrestegi úlesi artqan, oǵan bıyl tamyz aıynda iske qosylǵan joba dálel. Ol nátıje berip te jatyr.

Volonterler monıtorıng barysynda Mamlıýt aýdanynda joldardy ortasha jóndeýdiń kemshilikterin anyqtady: negizgi joldan túsetin jolaıryqtar salynbaǵan, jol belgileri bolmaǵan. Jóndeýden keıin qoldanysqa berilgen jolda shuńqyrlar jamalmaı qalǵan.

«Volonterler jyldyń sońyna deıin kepildik mindettemelerdiń oryndalýyn monıtorıngileý boıynsha aýdan turǵyndarynan bastamashyl top qurdy. Búgingi kúni merdiger uıym aqaýlardy joıdy. Budan basqa tehnıkalyq reglamentke sáıkes kelmeıtin balalar oıyn alańdaryn ornatýǵa qatysty tekseris júrgizdi. ıAvlenka aýyldyq okrýginde de birqatar olqylyq anyqtalyp, ol kepildik mindettemeler aıasynda joıyldy», - deıdi Ashat Jaqypbekov.

Sonymen qatar volonterler quqyqtyq kómek te kórsetedi. «Qazaqstan zańgerler odaǵy» qoǵamdyq birlestigi fılıalynyń tóraǵasy Evgenıı Kıntsel ár beısenbi saıyn tegin keńes beredi.

Jalpy óńirde úsh aı ishinde «Sybaılas jemqorlyqqa qarsy volonterlik» jobasyna qatysýǵa 80 adam tilek bildirgen.