SQO-da Іshki ister organynyń burynǵy qyzmetkerleri jurtty pıramıdaǵa tartyp kelgen

<p>Soltústik Qazaqstan oblysynda &laquo;Qnet&raquo; qarjy pıramıdasynyń fılıalyn ashyp, 73 adamnyń aqshasyn jymqyrǵan Іshki ister organdarynyń burynǵy qyzmetkerleri ustaldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

SQO ekonomıkalyq tergeý departamentiniń málimetinshe, óńirde «Qnet» qarjy pıramıdasynyń qurylymdyq bólimshesin qurý jáne basshylyq etý faktisi boıynsha úsh kúdikti ustaldy. Uıymdastyrýshylar – ishki ister organdarynyń burynǵy qyzmetkerleri. «Tártip saqshylary» bolǵandyqtan halyq senim bildirgen. Qazirgi tańda bul pıramıdadan zardap shekken 73 adam anyqtaldy. Jalpy somasy – 82 mln teńge.

«Qnet» qarjy pıramıdasy SQO aýmaǵynda 2018 jyldan 2021 jyl aralyǵynda jumys istegen. Uıymdastyrýshylardyń biri halyqaralyq uıymnyń saıtyna tirkelip, táýelsiz ókil retinde sertıfıkat alǵan. «Qnet»-ke kirý úshin turǵyndar 600den 800 myń teńgege deıin tólem jasaýlary kerek bolǵan jáne 40 myń teńgeni keńseni jaldaýǵa aýdarǵan. Sol úshin olarǵa saıahatshy kartasy berilgen. Azamattardy tartý maqsatynda uıymdastyrýshylar keńse bólmelerin jalǵa aldy, onda kezdesýler, oqytý semınarlary, dárister, úgit-nasıhat jumystary júrgizildi», - delingen baspasóz habarlamasynda.

Іstiń barlyq úsh qatysýshysy ustaldy jáne qamaýǵa alyndy. Olarǵa qatysty tergeý soty qamaýda ustaý túrindegi bultartpaý sharalaryn qoldandy.

QR Qylmystyq-protsestik kodeksiniń 201-babyna sáıkes tergeý múddesinde ózge de aqparat jarııa etýge jatpaıdy.

Sondaı-aq «Qnet» qurylymdyq bólimshesinen zardap shekken turǵyndar SQO boıynsha Ekonomıkalyq tergeý departamentine jeke ótinish nemese senim telefony arqyly habarlasa alady.