SQO-da shyrsha kesetin brakonerlerge qarsy 92 mobıldi top quryldy

<p>Soltústik Qazaqstan oblysynda Jańa jyl meıramy qarsańynda ormanshylar kúsheıtilgen rejımde jumys istep jatyr. Qaraǵaı-shyrshany zańsyz kesýden saqtaý maqsatynda reıdter uıymdastyrylyp, orman mańaılaryna statsıonarlyq beketter qoıyldy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Sońǵy jyldary turǵyndar jasandy shyrshany kóptep tańdaıtyn bolǵan. Desek te, tabıǵı jasyl jelekke de basymdyq beretinder barshylyq. Olar qaraǵaı-shyrshany iri saýda ortalyqtarynyń, bazarlardyń janynan ashylǵan arnaıy oryndardan satyp ala alady. Al ımporttyq shyrshalardy satýshylarda ózderimen birge tıisti qujattar bolýy qajet.

Qazaqstanda qaraǵaı tek mádenı-buqaralyq is-sharalardy ótkizý úshin ǵana kesiledi. Tek konteınerlerde ósken shyrshalardy nemese aǵashtyń butaqtaryn ǵana satýǵa ruqsat bar», - deıdi basqarmanyń statıstıgi Sáýle Súleımenova.

Jańa jyl meıramyna orman sharýashylyǵy qyzmetkerleri de aldyn ala daıyndalady, olar qylqan japyraqty aǵashty brakonerlerden qorǵaý jumysyn kúsheıtedi.

Bıyl Tabıǵı resýrstar jáne tabıǵat paıdalanýdy retteý basqarmasy memlekettik orman ıelerimen birge 92 mobıldi top qurdy, olardyń patrýldeý baǵyttary men kestesi bekitildi. Ormanshylar 1 jeltoqsannan bastap kezekshilikti kúsheıtti.

«Qylqan japyraqty aǵashtar basym ormandardyń mańyna 16 statsıonarlyq beket ornatyldy. Ormanshylar ótken-ketken kólikti tekseredi. Júrgizýshi avtokólikti teksertýden bas tartqan jaǵdaıda, kólik mán-jaı anyqtalǵanǵa deıin bekette ustalady. Ol úshin tabıǵatty qorǵaý polıtsııasy nemese ýchaskelik polıtsııa qyzmetkerleri shaqyrylady. Bagajda zańsyz kesilgen qaraǵaı bolǵan jaǵdaıda zańnamada belgilengen tártippen sharalar qoldanylady», - deıdi Sáýle Súleımenova.

Mamannyń aıtýynsha, memlekettik orman qory aýmaǵynda kesilgen ár shyrsha úshin 100 AEK mólsherinde, ıaǵnı 345 myń teńge aıyppul bar. Al shyrsha erekshe qorǵalatyn aýmaqta kesilse, zalaldy óteý somasy 517 500 teńge bolmaq.