SQO-da shilde aıy bastalǵaly eki adam sýǵa ketti
SQO Tótenshe jaǵdaılar departamenti baspasóz qyzmetiniń málimetinshe, sońǵy oqıǵa bir apta buryn Jambyl aýdanynda bolǵan. Troıtskoe eldi mekeninen 3 shaqyrym qashyqtyqta ornalasqan qoldan jasalǵan qazandyqqa 41 jastaǵy er adam sýǵa túsýge baryp, batyp ketken.
10 shilde kúni 39 jastaǵy er adam sýǵa ketti. Ol Qyzyljar aýdany Semıpalatnoe eldi mekeni mańyndaǵy Esil ózenine sýǵa shomylýǵa barǵan. Bul eki jer de sýǵa shomylýǵa jaraqtandyrylmaǵan, ıaǵnı qaýipti.
Al úshinshi oqıǵa 7 maýsym kúni Petropavldaǵy «Vostochnyı bereg» dámhanasynyń mańynda bolǵan. Balyq aýlaýǵa barǵan er adam abaısyzda sýǵa ketken, onyń qutqarý jıleti bolmaǵan.
Qutqarýshylardyń aıtýynsha, byltyr sýǵa shomylý maýsymynda bes adamnyń, sonyń ishinde bir balanyń qazasy sýdan bolǵan. Jalpy sońǵy on jylda óńirde 216 turǵyn sýǵa ketken.
Mamandar oqys oqıǵalardyń aldyn alý úshin polıtseılermen, ulttyq gvardııanyń áskerı qyzmetshilerimen, kóliktik baqylaý ınspektsııasy mamandarymen jáne volonterlermen birge reıdter ótkizip, turǵyndarmen profılaktıkalyq áńgime júrgizedi.
Qazirgi ýaqytta jergilikti atqarýshy organdar, sondaı-aq jaǵajaılardy jalǵa alýshylar TJ departamentiniń usynysy boıynsha halyqtyń bos ýaqytyn uıymdastyrý úshin sý aıdyndaryna túgendeý júrgizip, jedel-qutqarý jasaǵynda oqýdan ótken erikti qutqarýshylar, sondaı-aq medıtsına qyzmetkerleri demalys oryndarynda kezekshilik atqaratyn bolǵan.
Al qala basseınderinde balalardy júzýge tegin úıretedi.