SQO-da sheteldik esepte turǵan avtokólikter arnaıy avtoturaqqa qoıylyp jatyr
SQO polıtsııa departamenti baspasóz qyzmetiniń málimetinshe, bıyldan bastap qazaqstandyqtarǵa jáne Qazaqstanda turýǵa yqtııarhaty bar ózge el azamattaryna avtokólikterdi sheteldik esepte paıdalanýǵa tyıym salyndy.
Shekara asyp kelgen kólikterdi zańdastyrýǵa ýaqyt berildi. Endi osy ýaqyt aralyǵynda tirkeýden ótpegen avtokólikti basqarý ákimshilik zańnamany buzý bolyp esepteledi. Mundaı kólik ıelerine 10 AEK mólsherinde aıyppul salynady, avtokólikter zańbuzýshylyq joıylǵanǵa deıin arnaıy turaqqa ornalastyrylady.
«Búginde oblysta Qazaqstanda tirkelmegen avtokólikterdiń 15-i avtoturaqqa qoıyldy. Avtokólik ıelerin elde tirkeý boıynsha dereý shara qabyldaýdy suraımyz. Júrgizilip jatqan jumystyń túpki maqsaty — joldardaǵy quqyq buzýshylyqtardyń jazasyzdyǵyna yqpal etetin jaǵdaılardy joıý, júrgizýshilerdiń tártibin arttyrý jáne jol qozǵalysy qaýipsizdigin nyǵaıtý», - deıdi SQO polıtsııa departamenti jergilikti polıtsııa qyzmeti basqarmasy bastyǵynyń mindetin atqarýshy Aleksandr Rozbah.