SQO-da shekteýler taǵy da qatańdatyldy

PETROPAVL. QazAqparat – Soltústik Qazaqstan oblysynda óńirlik komıssııanyń sheshimimen 25 qazannan bastap karantındik sharalar taǵy da qatańdatylady, dep habarlaıdy QazAqparat tilshisi.

SQO sanıtarııalyq-epıdemıologııalyq baqylaý departamentiniń basshysy Áset Jumataev óńirlik kommýnıkatsııalar qyzmetinde ótken baspasóz máslıhatynda 25 qazannan bastap qandaı shekteýler engiziletinin aıtty:

1) Ashyq jobasyna qatysatyn áleýmettik-ekonomıkalyq nysandardyń jumys ýaqyty shekteledi. Dúısenbi-juma aralyǵynda Ashyq jobasyna qatysatyn barlyq obektiler saǵat 22.00-ge deıin, Ashyq jobasynyń kóshbasshylary saǵat 00.00-ge deıin jumys isteıdi;

2) Demalys kúnderi Ashyq jobasyna qatysatyn barlyq nysandar saǵat 22.00-ge deıin, Ashyq jobasynyń kóshbasshylary saǵat 00.00-ge deıin jáne qyzmetkerler men kelýshilerde tek qaýipsiz «jasyl» mártebesi bolǵan jaǵdaıda (vaktsınatsııa, synamalardy irikteý sátinen bastap 7 táýlikten aspaıtyn teris nátıjesi bar test PTR, turaqty medıtsınalyq qarsy kórsetilimderi bar adamdar, sońǵy 3 aı ishinde aýyryp jazylǵan adamdar) jumys isteıdi;

3) Osy tarmaqta kórsetilgen «jasyl» mártebeniń bolýyna qoıylatyn talaptar jáne jumys rejıminiń shekteýleri oblysaralyq jáne oblysishilik turaqty tasymaldarǵa, qonaq úılerge, áýejaılarǵa, temirjol, avtomobıl avtostansalaryna/avtoótpelerge, jolaýshylarǵa qyzmet kórsetý pýnktterine, bilim berý nysandaryna, JOO-larǵa, kolledjderge, ınternattarǵa jáne bilim berý uıymdarynyń jataqhanalaryna qoldanylmaıdy;

4) Ashyq jobasyna qatysatyn áleýmettik-ekonomıkalyq nysandarǵa, onyń ishinde «jasyl» mártebesi barlarǵa:

1. saltanatty, estelik, otbasylyq is-sharalardy (banketter, úılený toılary, mereıtoılar) ótkizýge;

2. Adamdar kóp jınalatyn konferentsııalar, forýmdar, oıyn-saýyq jáne ózge de is-sharalardy uıymdastyrýǵa;

3. Kórmelerdi ótkizýge;

4. Kórermendermen ótkiziletin sporttyq is-sharalardy ótkizýge;

5. Jabyq úı-jaılarda kóp adammen Qudaıǵa qulshylyq etýge tyıym salynady.

5) Medıtsınalyq-áleýmettik nysandarǵa (qarttar, múgedekter úıleri, balalar úıleri jáne basqalarǵa) kelýshilerdiń kirýine tyıym salý ózgerissiz qalady.