SQO-da Shaǵalaly ózeniniń deńgeıi bir táýlikte 1,5 metrge kóterildi

<p>PETROPAVL. KAZINFORM &ndash; Soltústik Qazaqstan oblysynda kesheden beri shaǵyn ózenderdiń sý deńgeıi kóterilip jatyr. Desek te, áli qaýipti deńgeıge jete qoıǵan joq.&nbsp;</p>

«Qazgıdromet» RMK SQO fılıalynyń málimetinshe, óńirdegi shaǵyn ózenderdiń sý deńgeıi bir táýlikte 2-9 sm aralyǵynda kóterilgen.

Ǵ.Músirepov atyndaǵy aýdannyń aýmaǵynan ótetin Aqanburlyq ózeni Kovylnoe eldi mekeni mańynda 8 sm-ge, Rýzaevka aýylynyń mańynda Sharyq ózeniniń deńgeıi 9 sm-ge, Muqyr aýylynyń mańyndaǵy Muqyr ózeni 8 sm-ge kóterilgen. Aıyrtaý aýdanyndaǵy Gýsakovka eldi mekeninde Babyqburlyq ózeniniń sý deńgeıi bir táýlikte 9 sm-ge artqan. 

Al, Aqqaıyń aýdany Severnoe eldi mekeniniń mańynan ótetin Shaǵalaly ózeniniń sý deńgeıi birden 151 sm-ge kóterilip otyr. Desek te qaýipti deńgeıge jetý úshin áli 130 sm kerek. 

SQO-daǵy negizgi sý arterııasy – Esil ózeninde jaǵdaı ázirge turaqty. Sergeev jáne Petropavl sý qoımalarynda sý deńgeıi nebary 3 sm-ge kóterildi.