SQO-da Sergeev sý qoımasyndaǵy sý deńgeıi 180%-ǵa jetken

<p>PETROPAVL. KAZINFORM &ndash; Soltústik Qazaqstan oblysyndaǵy Sergeev sý qoımasynyń erneýinen asyp tógilýi 415 sm-ge jetti. Óńirde sońǵy ret aýqymdy sý tasqyny 2017 jyly tirkelgen edi, ol joly bógen 338 sm-ge asyp tógildi.</p>

«Qazgıdromet» RMK SQO fılıalynyń málimetinshe, tańǵy saǵat 8.00-degi málimet boıynsha ótken táýlikte Sergeev sý qoımasynanda asyp tógilgen sý deńgeıi 80 sm-ge artqan. Qazir bógen 180 % tolǵan. Sý áli de kóterilip keledi. Boljam boıynsha sharyqtaý sheginde bógennen tógilgen sýdiń bıiktigi 430 sm-ge jetpek.

Esil aýdany Pokrovka eldi mekeninde bir táýlikte Esil ózeni 411 sm-ge kóterildi, osylaısha qaýipti deńgeıge jetýge 20 sm ǵana qaldy.

Sergeevka qalasynyń mańynda da Esil ózeni áli kóterilip jatyr, bir táýlikte 95 sm-ge artty. Qaýipti deńgeı – 1500 sm-ge jetýge 175 sm qaldy.

Shaǵyn ózenderde sý deńgeıi túsip jatyr. Máselen Andreevka eldi mekeni janynan ótetin Sharyq ózeniniń deńgeıi bir táýlikte 90 sm-ge tómendedi.

Buǵan deıin Sergeev sý qoımasynan tasyǵan sý men muz elektr baǵandaryn qulatyp, eldi mekenderdi jaryqsyz qaldyrǵanyn aıtqan edik.

Óńirde júrgen R Premer-Mınıstriniń birinshi orynbasary Roman Sklıar qurylys jáne jol-qurylys kompanııalary ókilderimen jumys keńesin ótkizip, kásipkerlerdi sý tasqynymen kúres jumystaryna qatysýǵa shaqyrdy.