SQO-da Sergeev qoımasyndaǵy sý tası bastady

<p>PETROPAVL. KAZINFORM &ndash; Soltústik Qazaqstan oblysyndaǵy Sergeev sý qoımasy tolyp, erneýinen asyp tógilip jatyr.</p>

«Qazgıdromet» RMK SQO fılıalynyń málimetinshe, bógenniń tasýy búgin saǵat 20.50 mınýt ketkende tirkeldi. Óńirdegi gıdrologııalyq beketter ornalasqan barlyq ózenderde sý kóterilip jatyr.

Keshki saǵat 20.00-degi gıdrologııalyq monıtornıg málimetine súıensek, Toqsan bı aýylynyń mańynda Esil ózeniniń sý deńgeıi búgin tańǵy saǵat 8.00-den beri 2 metrge kóterilgen.

Aqanburlyq ózeniniń sý deńgeıi Vozvyshenka eldi mekeniniń mańynda osy aralyqta 119 sm-ge artty.

Muqyr ózeninde deńgeıi 92 sm-ge kóbeıdi.

Oblystaǵy Sharyq, Babyqburlyq, Imanburlyq, Qamysaqty ózenderi de kúnnen-kúnge tolyǵyp jatyr.

Esterińizge salaıyq, byltyr da Sergeev sý qoımasy osy kúnderi tasyp, 8 sáýirde 196 sm-ge deıin kóterilip, sharyqtaý shegine jetti.