SQO-da Senat depýtattyǵyna úmitkerdiń ekeýi de áıel

PETROPAVL. QazAqparat – Qazaqstan Respýblıkasy Parlamenti Senaty depýtattyǵyna Soltústik Qazaqstan oblysynan bir depýtat saılanady. Óńirden 5 adam ózin-ózi usynsa, sonyń ekeýiniń esimi saılaý bıýlletenine engizildi, dep habarlaıdy QazAqparat tilshisi.

SQO saılaý komıssııasynyń málimetinshe, ózin ózi usynǵan úmitkerlerdiń 2 er jáne 3 áıel adam.

Eki kandıdat tirkeýge qajetti qujattardy - dekalaratsııany tapsyrǵany jáne saılaý jarnasyn tólegeni týraly túbirtektiń bolmaýynan tirkeýden ótken joq.

Bir úmitker óz erkimen kandıdattyǵyn alyp tastaý jónindegi ótinishi boıynsha tirkeýden alyndy.

Nátıjesinde 14 qańtar kúni eki adam saılaýǵa túsedi, olar:

1. Laýra Sovetqyzy Qaıyrjanova, 1969 jyly týǵan, «Qazaqstan Respýblıkasy Prezıdentiniń janyndaǵy Memlekettik basqarý akademııasy» memlekettik kásipornynyń Soltústik Qazaqstan oblysy boıynsha fılıalynyń dırektory, «AMANAT» partııasynyń múshesi;

2. Gúlmıra Raınbekqyzy Kárimova, 1977 jyly týǵan, Qazaqstan Respýblıkasy Bilim mınıstrligi Orta bilim komıtetiniń tóraǵasy, «AMANAT» partııasynyń múshesi.

Úmitkerlerdiń orta jasy 49-da. Mamandyǵy boıynsha eki úmitker de oqytýshy.

Al tańdaýshylar tizimine barlyq deńgeıdegi máslıhattardyń 187 depýtaty engizildi.

Senat depýtatyn saılaý 14 qańtar kúni saǵat 11-00-de N.Pogodın atyndaǵy orys drama teatrynda tańdaýshylardyń birlesken otyrysynda ótedi.